جاڭا زاۋىت 150 مىڭ توننا جۇگەرى وڭدەيدى. قر اۋىل شارۋاشىلىعى مينيسترلىگىنىڭ مالىمەتىنشە, قازىرگى تاڭدا شيكىزاتتى قابىلداۋ, كەپتىرۋ جانە ساقتاۋ كەشەندەرى ىسكە قوسىلعان. وندىرىستىك قۋاتتاردى ەنگىزۋ جانە قالدىقسىز وڭدەۋ تەحنولوگياسىن قولدانۋ جۇمىستارى جۇرگىزىلىپ جاتىر, دەپ حابارلايدى Egemen.kz.
2025 جىلى كراحمال, سىرنە, تاعامدىق گليۋكوزا, مالتوزا سيروپى, جۇگەرى مايى, گليۋتەن, كەبەك جانە تۇيىرشىكتەلگەن قۇراماجەمدى قوسا العاندا 20-دان استام ءونىم ءتۇرىن شىعارۋ جوسپارلانعان. وندىرىستە تەك گەنەتيكالىق تۇرلەندىرىلمەگەن جۇگەرى پايدالانىلاتىن بولادى.
«جالپى ينۆەستيتسيالار كولەمى 35 ملرد تەڭگەنى قۇرايدى. كاسىپورىننىڭ ونىمدەرى ىشكى نارىقتا دا, سونداي-اق ازيا مەن ەۋروپا ەلدەرىندە دە سۇرانىسقا يە بولادى», دەلىنگەن حابارلامادا.
ايتا كەتەيىك, جوبانى ىسكە اسىرۋ - قازاقستاننىڭ ەكسپورتتىق الەۋەتىن ارتتىرىپ, ءوڭىردىڭ ينۆەستيتسيالىق تارتىمدىلىعىن جاڭا دەڭگەيگە كوتەرەدى.