قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن جانە قالا اكىمىنىڭ وكىمىمەن شىمكەنت قالاسى اكىمىنىڭ ءبىرىنشى ورىنباسارى لاۋازىمىنا ايدىن مەيرامبەك ۇلى كارىموۆ تاعايىندالدى, دەپ جازادى Egemen.kz.
ايدىن مەيرامبەك ۇلى 1988 جىلعى 1 قاڭتاردا سەمەي قالاسىندا تۋىلعان, قازاق, ءبىلىمى جوعارى. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن, قازاق قارجى-ەكونوميكالىق اكادەمياسىن جانە كازگيۋ ۋنيۆەرسيتەتىن بىتىرگەن, ماماندىعى بويىنشا بىلىكتىلىگى - ەسەپتەۋ تەحنيكاسى جانە باعدارلامالىق قامتاماسىز ەتۋ, قارجى, حالىقارالىق قۇقىق. ەڭبەك جولىن 2006 جىلى قازاقستان رەسپۋبليكاسى توتەنشە جاعدايلار مينيسترلىگىنىڭ «ەسەپ تەحنيكاسى, تەلەكوممۋنيكاتسيا, ينفورماتيكا جانە جاعدايلىق تالداۋ ورتالىعى» جەلىلىك تەحنيكا قىزمەت كورسەتۋ ءبولىمىنىڭ جەتەكشى مامانى بولىپ باستاعان.
2007-2016 جىلدارى «ۇلتتىق اقپاراتتىق تەحنولوگيالار» اكتسيونەرلىك قوعامىندا, استانا قالاسى اكىمى اپپاراتىنىڭ ءبولىم باسشىسى, سەمەي قالاسى اكىمىنىڭ كومەكشىسى, قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگىندە باس ساراپشى, قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگىندە باسقارما باسشىسى, حالىقارالىق ەكونوميكالىق ينتەگراتسيا دەپارتامەنتى ديرەكتورىنىڭ ورىنباسارى.
2016-2017 جىلدارى قازاقستان رەسپۋبليكاسىنىڭ پرەمەر-ءمينيسترىنىڭ كەڭسەسى سىرتقى بايلانىستار جانە پروتوكول ءبولىمىنىڭ مەڭگەرۋشىسى-قازاقستان رەسپۋبليكاسىنىڭ پرەمەر-ءمينيسترى پروتوكولىنىڭ باستىعى.
2019-2022 جىلدارى قازاقستان رەسپۋبليكاسىنىڭ پرەمەر-ءمينيسترىنىڭ كەڭسەسى باسشىسىنىڭ ورىنباسارى. 2022-2023 جىلدارى اباي وبلىسى اكىمىنىڭ ءبىرىنشى ورىنباسارى لاۋازىمىندا قىزمەت اتقاردى. 2023 جىلعى قىركۇيەك ايىنان باستاپ وسى كۇنگە دەيىن شىمكەنت قالاسى اكىمىنىڭ ورىنباسارى بولدى.
وسىعان دەيىن شىمكەنت قالاسى اكىمىنىڭ ءبىرىنشى ورىنباسارى بولعان قۋانىش جۇمابەك ۇلى اسىلوۆ باسقا قىزمەتكە اۋىسۋىنا بايلانىستى ءوز قىزمەتىنەن بوساتىلدى.