قر ەڭبەك جانە حالىقتى الەۋمەتتىك قورعاۋ مينيسترلىگى تىركەۋدە تۇرعان 24 790 قازاقستاندىققا جۇمىسقا ورنالاسۋ مۇمكىندىكتەرى جونىندە SMS-حابارلاما جولدايدى, دەپ حابارلايدى Egemen.kz.
مينيسترلىكتىڭ حابارلاۋىنشا, بۇل باستاما ۇلتتىق ستاتيستيكالىق بيۋرومەن بىرلەسىپ جۇزەگە اسىرىلىپ جاتىر.
«رەسپۋبليكالىق ماڭىزى بار قالالار مەن وبلىس ورتالىقتارىنىڭ تۇرعىندارىن قوسپاعاندا, ازاماتتار ءبىر مەزگىلدە 1414 قىزمەتىنەن اۋىل شارۋاشىلىعى حالىق ساناعىن وتكىزۋ ءۇشىن ساناق قىزمەتكەرى (سۇحباتتاسۋشى) رەتىندە جۇمىسقا ورنالاسۋ مۇمكىندىگى تۋرالى SMS-حابارلامالار الادى», دەلىنگەن حابارلامادا.
سونىمەن قاتار ايتا كەتەيىك, بيىل 20 قىركۇيەكتەن 20 قازانعا دەيىن اۋىل شارۋاشىلىعى ساناعى وتكىزىلەدى. دەرەكتەر ارنايى تارتىلعان ساناق قىزمەتكەرلەرى ارقىلى, تۇرعىندارمەن جەكە سۇحبات جۇرگىزۋ ادىسىمەن جينالادى.