جەتىسۋ وبلىسىندا اسا ءىرى كولەمدەگى الاياقتىق فاكتىسى بويىنشا قىلمىستىق ءىستى تەرگەۋ اياقتالدى. پوليتسيا قىزمەتكەرلەرى ايەلدىڭ زاڭسىز ارەكەتتەرىن اشكەرەلەپ, ونىڭ پايداكۇنەمدىك ماقساتتا ۇيىمداستىرىلعان قىلمىستىق سحەماسىنىڭ جولىن كەستى, دەپ حابارلايدى Egemen.kz.
تەرگەۋ بارىسىندا كۇدىكتىنىڭ ءوزىن تابىستى كوممەرتسيالىق ۇيىمنىڭ باسشىسى رەتىندە تانىستىرىپ, ەكى ازاماتتى الداپ, ولاردى ۇساق مال جەتكىزۋگە بايلانىستى جالعان تابىستى بيزنەس-جوباعا قاتىسۋعا كوندىرگەنى انىقتالدى. الايدا ول تاۋاردىڭ بار ەكەنى جانە كومپانيانىڭ قارجىلىق مۇمكىندىكتەرى تۋرالى ادەيى جالعان اقپارات بەرگەن.
قىلمىستىق جوسپاردى جۇزەگە اسىرۋ ءۇشىن زاڭدى كاسىپكەرلىك قىزمەتتىڭ جالعان كورىنىسى جاسالعان: جالعان كەلىسىمشارتتار راسىمدەلىپ, قولدان جاسالعان قۇجاتتار پايدالانىلعان, سونداي-اق بانك نەسيەسىن الۋ ارەكەتتەرى جاسالعان. ناتيجەسىندە جابىرلەنۋشىلەر نەسيە راسىمدەپ, ءىرى كولەمدەگى قاراجاتتى كۇدىكتى باقىلاۋىنداعى ۇيىمنىڭ شوتتارىنا اۋدارعان.
ينتەرنەت-الاياقتىق كورسەتكىشى 15 پايىزعا تومەندەدى
الايدا مىندەتتەمەلەر ورىندالماعان, مال جەتكىزۋ ءىس جۇزىندە جۇزەگە اسىرىلماعان. الىنعان قاراجات كۇدىكتى تاراپىنان جەكە قاجەتتىلىكتەرىنە جۇمسالىپ, ونىڭ ءبىر بولىگى شەتەلگە اۋدارىلىپ, قولما-قول اقشاعا اينالدىرىلعان. كەلتىرىلگەن جالپى شىعىن كولەمى 100 ملن تەڭگەدەن اسادى, بۇل اسا ءىرى مولشەرگە جاتادى.
تەرگەۋ بارىسىندا كەلىسىمشارتتاردىڭ جالعان ەكەنى جانە كورسەتىلگەن م ۇلىكتىڭ جوقتىعى دالەلدەندى. كۇدىكتىنىڭ ارەكەتتەرى اسا ءىرى كولەمدە جاسالعان الاياقتىق رەتىندە سارالاندى.
«مۇنداي قىلمىستار كاسىپكەرلىك قىزمەتكە دەگەن سەنىمدى تومەندەتىپ, ازاماتتارعا ايتارلىقتاي زيان كەلتىرەدى. الاياقتىق سحەمالاردى انىقتاۋ جانە ولاردىڭ جولىن كەسۋ جۇمىستارى ەرەكشە باقىلاۋدا», دەپ اتاپ ءوتتى پوليتسيا وكىلدەرى.
سوت كۇدىكتىنى كىنالى دەپ تانىپ, 5 جىل مەرزىمگە باس بوستاندىعىنان ايىرۋ جازاسىن تاعايىندادى. سونىمەن قاتار وسى مەرزىمگە جەكە ۇيىمداردا باسشىلىق قىزمەت اتقارۋ قۇقىعىنان ايىرىلدى. سوتتالۋشى سوت زالىندا قاماۋعا الىندى.
«نەسيەڭىزدىڭ مارتەبەسى جاڭارتىلدى»: ۇلتتىق بانك الاياقتاردىڭ جاڭا ايلاسى تۋرالى ەسكەرتتى
پوليتسيا ازاماتتاردى ينۆەستيتسيالىق جانە بيزنەس-جوبالارعا قاتىسۋ كەزىندە ساق بولۋعا جانە قارجىلىق شەشىم قابىلدار الدىندا بارلىق اقپاراتتى مۇقيات تەكسەرۋگە شاقىردى.