استانادا پوليتسەيلەر بايقوڭىر اۋدانىنداعى ايالداما پاۆيلونىن ادەيى بۇلدىرگەن ەر ادامدى ۇستادى. 37 جاستاعى كۇدىكتى قوعام مۇلكىنە ماساڭ كۇيدە زيان كەلتىرگەن, دەپ جازادى Egemen.kz.
سوت شەشىمىمەن قۇقىق بۇزۋشى بوتەننىڭ مۇلكىن قاساقانا جويۋ نەمەسە زاقىمداعانى ءۇشىن 10 تاۋلىككە اكىمشىلىك قاماۋعا الىنعان. ەلوردالىق پوليتسەيلەر جىل باسىنان بەرى وسىعان ۇقساس بۇزاقىلىققا بارعان 165 ادامنىڭ جاۋاپكەرشىلىككە تارتىلعانىن مالىمدەدى.
ايتا كەتەيىك, قالا ينفراقۇرىلىمىنا زالال كەلتىرۋ زاڭمەن جازالانادى. قالالىق پوليتسەيلەر ايالدامالار مەن ورىندىقتاردى, شاعىن ساۋلەت نىساندارى مەن وزگە دە قوعامدىق كەڭىستىكتى ءبۇلدىرۋ قالانىڭ كوركىن بۇزىپ, تۇرعىنداردىڭ جايلى ءومىر سۇرۋىنە كەدەرگى كەلتىرەتىنىن دە ەسكەرتىپ وتىر.