فرانتسۋز ءارتىسى ميشەل لوتيتو جۇرتتى ءوزىنىڭ ەرەكشە «ديەتاسىمەن» تاڭعالدىرعان. ول مۇلدە جەۋگە كەلمەيتىن زاتتاردى جەۋىمەن تانىمال بولدى. كورسەتىلىمدەرىندە ۆەلوسيپەدتەردى, تەلەديدارلاردى جانە اينەك, مەتالل, رەزەڭكە سەكىلدى زاتتاردى جۇتا بەرەتىن.
ەڭ تاڭعالارلىق ارەكەتتەرىنىڭ ءبىرى – «Cessna 150» ۇشاعىن بولشەكتەپ, ونى ەكى جىل ىشىندە تۇگەل جەپ ءبىتىرۋى. شوۋ الدىندا ول اسقازانىن «مايلاپ», تاماقتانۋ كەزىندە كوپ مولشەردە سۋ ءىشىپ وتىرعان. ستاتيستيكا بويىنشا, لوتيتو ءوزىنىڭ مانسابىندا شامامەن 9 توننا مەتالدى جەپ تاۋىسقان.