ءماجىلىس دەپۋتاتى, «اق جول» پارتياسى فراكتسياسىنىڭ مۇشەسى ەرجان بەيسەنباەۆ شىمكەنت قالاسىندا «اۆانگارد» شىنى زاۋىتىندا بولدى, دەپ حابارلايدى Egemen.ءkz ماجىلىستىڭ ءباسپاسوز قىزمەتىنە سىلتەمە جاساپ.
«اۆانگارد زاۋىتى» سەرىكتەستىگى – ەلىمىزدەگى تاباق شىنىنى وڭدەۋ جانە شىنى پاكەتتەر ءوندىرۋ سالاسىنداعى جەتەكشى كاسىپورىننىڭ ءبىرى. زاۋىت كاسىپورىن ەۋروپالىق جابدىقتارمەن جابدىقتالعان جانە قۇرىلىس پەن ونەركاسىپكە ارنالعان جوعارى ساپالى ونىمدەر شىعارادى. ولار جارىق وتكىزۋ قابىلەتى جوعارى, سوققىعا ءتوزىمدى ءارى حالىقارالىق ستاندارتتارعا تولىق سايكەس كەلەدى.
ەرجان بەيسەنباەۆ زاۋىتتىڭ تىنىس-تىرشىلىگىمەن تانىسىپ, ءوندىرىس باسشىلىعىمەن جانە قىزمەتكەرلەرىمەن اڭگىمەلەسىپ, وزەكتى ماسەلەلەردى تالقىلادى.
ساپالى ءونىم شىعارۋمەن قاتار كاسىپورىن بىرقاتار قيىندىقتارعا دا تاپ بولىپ وتىر. اسىرەسە, ەلەكتر ەنەرگياسىنىڭ تاريفىنىڭ قىمباتتىعى, ەكسپورتقا شىعارۋ كەزىندە تاۋارلاردى شەكارادا وتكىزۋ پۋنكتەرى كوپ ۇستاپ قالۋ ماسەلەلەرى بار ەكەنى ايتىلدى.
ءماجىلىس دەپۋتاتى زاۋىت باسشىلىعى كوتەرگەن ماسەلەلەردى مۇقيات تىڭداپ, ولاردى قۇزىرلى مەملەكەتتىك ورگاندارمەن بىرگە قاراستىراتىنىن ايتتى.
«ەلەكتر ەنەرگياسى ءتاريفىنىڭ قىمباتتاۋى, ستانوكتاردى ساتىپ العاندا ونى شىعىن رەتىندە كورسەتە الماۋ جانە سوعان دا قوسىمشا قۇن سالىعىن تولەۋ, سونداي-اق ەكسپورتقا شىعارۋ كەزىندە شەكارادا ءونىمنىڭ كوپ ۇستالىپ قالۋى – بۇل كاسىپورىن ءۇشىن ەلەۋلى قيىندىقتار. ولاردى شەشۋ ءۇشىن قۇزىرلى ورگاندارمەن بىرگە سىزدەرگە كومەكتەسۋگە تىرىسامىز. سونىمەن قاتار, زاۋىتقا جاستاردى كوبىرەك تارتۋ دا ماڭىزدى. مەنىڭ باستى ماقساتىم – وڭىردەگى كاسىپكەرلەردىڭ ماسەلەسىن كورىپ, ۇسىنىستارىن تىڭداپ, ءماجىلىس دەڭگەيىندە قاراستىرۋ», دەدى ە.بەيسەنباەۆ.