قازاقستاننىڭ ەڭبەك سىڭىرگەن قايراتكەرى, مەملەكەتتىك سىيلىقتىڭ لاۋرەاتى, پروفەسسور اعىمسالى دۇزەلحان ۇلى دۇزەلحانوۆ مەزگىلسىز دۇنيەدەن ءوتتى. قايعىلى قازانى مادەنيەت جانە اقپارات مينيسترلىگى حابارلاپ, وتباسى مەن تۋعان-تۋىستارىنا كوڭىل ايتتى, دەپ جازادى Egemen.kz.
اعىمسالى دۇزەلحان ۇلى – بەينەلەۋ ونەرىندە وزىندىك قولتاڭباسىمەن دارالانعان بىرەگەي سۋرەتشى. ول شىعارمالارى ارقىلى حالقىمىزدىڭ رۋحىن, زامانا تىنىسىن ايشىقتاپ, ۇلتتىق ونەرىمىزدىڭ كوكجيەگىن كەڭەيتە ءتۇستى. ۇرپاق تاربيەسىنە دە ولشەۋسىز ەڭبەك ءسىڭىرىپ, تالاي جاس سۋرەتشىنىڭ كاسىبي جولىن ايقىنداۋىنا جول اشقان.
ومىردەن وزعانىنا قاراماستان, ونىڭ مول مۇراسى مەن جارقىن بەينەسى حالقىمىزدىڭ جۇرەگىندە ماڭگىلىك ساقتالادى.