رەسەيدە جەر سىلكىندى

تاسس اگەنتتىگىنىڭ دەرەگىنشە, جەراستى دۇمپۋلەرىنىڭ وشاعى تىنىق مۇحيتىندا شامامەن 60 شاقىرىم تەرەڭدىكتە ورنالاسقان. جەر سىلكىنىسى پەتروپاۆلوۆسك-كامچاتسكي قالاسىنان 455 شاقىرىم قاشىقتىقتا تىركەلدى.

بۇل – سوڭعى 24 ساعاتتاعى ەڭ قۋاتتى سەيسميكالىق وقيعا. باقىلاۋ ناتيجەسىنە سايكەس, تاۋلىك ىشىندە ماگنيتۋداسى 4–5 ارالىعىنداعى 16 افتەرشوك بولعان.

ايماقتىڭ تجم وكىلدەرى سوڭعى اپتادا افتەرشوكتاردىڭ سانى 40 پايىزعا ازايعانىن مالىمدەدى. بۇعان دەيىن, 30 شىلدە كۇنى كامچاتكا جاعالاۋىندا 1952 جىلدان بەرگى ەڭ كۇشتى جەر سىلكىنىسى بولعان ەدى. ونىڭ ماگنيتۋداسى رەسمي دەرەكتەر بويىنشا 8,8-گە جەتتى.

وسىعان بايلانىستى كامچاتكادا توتەنشە دايىندىق رەجيمى ەنگىزىلدى. قۋاتتى جەر سىلكىنىسى سولتۇستىك كۋريلسك قالاسىندا دا سەزىلىپ, ارتىنان تسۋنامي تىركەلدى. سۋ دەڭگەيىنىڭ ماكسيمالدى كوتەرىلۋى 200 مەترگە جۋىقتاعان. تىنىق مۇحيتتاعى بۇل دۇمپۋلەر جاپونيا, اقش جانە فيليپپين بيلىگىنە دە قاۋىپ تۋرالى ەسكەرتۋ جاساۋعا سەبەپ بولدى.

ايتا كەتەيىك, بۇعان دەيىن قىرعىزستاندا بولعان توتەنشە جاعداي كەزىندە تاۋلى لاگەردەن 60 الپينيست ەۆاكۋاتسيالانعان ەدى. ولاردىڭ اراسىندا قازاقستاندىقتار دا بار.