مەملەكەتكە قايتارىلعان اكتيۆتەر ەسەبىنەن ءبىلىم, دەنساۋلىق ساقتاۋ جانە سپورت سالالارىندا جاڭا نىساندار سالۋ قىزىلوردا وبلىسىندا دا جۇزەگە اسىرىلىپ جاتىر, دەپ حابارلايدى Egemen.kz.
وبلىستىق پروكۋراتۋرانىڭ مالىمەتىنشە وبلىستا قازىرگى ۋاقىتتا 6 دەنساۋلىق ساقتاۋ نىسانى جانە 8 سۋ قۇبىرى سالىنۋ ۇستىندە. جىل سوڭىنا دەيىن تولىق اياقتالىپ, ىسكە قوسىلادى دەگەن جوسپار بار.
پروكۋراتۋرا قىزمەتكەرلەرى اتالعان قۇرىلىس نىساندارىن ارالاپ, جۇمىس بارىسىمەن تانىسادى. قايتارىلعان اكتيۆتەردىڭ ءتيىمدى يگەرىلۋى سالا ماماندارىنىڭ تىكەلەي باقىلاۋىندا تۇر.