1936 جىلى شىققان «Life» جۋرنالىنىڭ العاشقى سانىندا دجوردج ستوري ەسىمدى جاڭا تۋعان ءسابيدىڭ سۋرەتى «Life Begins» ء(«ومىر باستالادى») دەگەن تاقىرىپپەن جاريالاندى.
كەيىن جۋرنال دجوردجدىڭ ءومىر كەزەڭدەرىن – ونىڭ ءوسۋىن, ۇيلەنۋىن, بالا ءسۇيۋىن, مانساپ جولىنداعى جەتىستىكتەرىن اندا-ساندا جاريالاپ وتىرادى. 2000 جىلدىڭ ناۋرىزىندا جۋرنال جابىلاتىنىن جۇرتشىلىققا حابارلاپ, سوڭعى ءنومىردى «A Life Ends» ء(«ومىر اياقتالادى») دەگەن تاقىرىپپەن شىعاردى. ال ءبىر ايدان سوڭ, 63 جاستاعى دجوردج ستوري جۇرەك تالماسىنان قايتىس بولدى. تاڭعالماسقا شاراڭ جوق. ويتكەنى وسى وقيعا ءبىر ادامنىڭ تاعدىرى مەن ءبىر باسىلىمنىڭ تىلسىم توعىسى سەكىلدى. كىم ءبىلىپتى, بالكىم, جاي عانا كەزدەيسوقتىق شىعار...