اشىمباەۆتىڭ ايتۋىنشا, قوس ەل اراسىنداعى دوستىق پەن سەرىكتەستىك بەرىك مەملەكەتارالىق قارىم-قاتىناسقا سۇيەنەدى. ول بۇل بايلانىستى قازاقستان پرەزيدەنتى قاسىم-جومارت توقاەۆ پەن وزبەكستان پرەزيدەنتى شاۆكات ميرزيەەۆتىڭ ءوزارا تۇسىنىستىگى مەن سەنىمىنە نەگىزدەلگەنىن اتاپ ءوتتى. سونداي-اق سەنات توراعاسى مەملەكەت باسشىلارى ايقىنداعان ۋاعدالاستىقتاردى جۇزەگە اسىرۋعا پارلامەنت تە ۇلەس قوساتىنىن جەتكىزدى.كەزدەسۋ بارىسىندا الداعى الەمدىك جانە ءداستۇرلى دىندەر كوشباسشىلارى سەزىنە دايىندىق تا تالقىلاندى. ماۋلەن اشىمباەۆ وزبەكستان دەلەگاتسياسىنىڭ بەلسەندى قاتىسۋىنا ريزاشىلىعىن بىلدىرسە, تانزيلا نارباەۆا قازاقستاننىڭ وڭىردەگى بەيبىتشىلىك پەن تۇراقتىلىقتى قامتاماسىز ەتۋگە قوسقان ۇلەسىن جوعارى باعالادى.