الماتى. 23 ماۋسىم. 1992 جىلى قازاقستان رەسپۋبليكاسىنىڭ جوعارى كەڭەسى «قازاقستان رەسپۋبليكاسىنىڭ ىشكى ىستەر ورگاندارى تۋرالى» زاڭ قابىلدادى. ول قازاقستاندىق پوليتسيانىڭ مىندەتتەرى مەن فۋنكتسيالارىن انىقتاعان العاشقى قۇقىقتىق قۇجات بولدى. 2007 جىلى مەملەكەت باسشىسى نۇرسۇلتان نازارباەۆتىڭ جارلىعىمەن 23 ماۋسىم پوليتسيا كۇنى بولىپ رەسمي تۇردە بەكىتىلدى. سول ۋاقىتتان بەرى ەلىمىزدە جىل سايىن 23 ماۋسىم كۇنى كاسىبي مەرەكە – قازاقستان پوليتسياسى كۇنى اتالىپ وتەدى. بۇل تۋرالى BNews.kz حابارلادى.
قازاقستان پوليتسياسى كۇنى – بۇل قازاقستاندىق پوليتسيانى قۇرعان ارداگەرلەر مەن ونىڭ قاتارىندا ەڭبەك ەتەتىن قىزمەتكەرلەرگە العىس ءبىلدىرىپ, قازاقستاندىقتاردىڭ تىنىشتىعى مەن قاۋىپسىزدىگى ءۇشىن بەيبىت كۇندە ءوز ءومىرىن قۇربان ەتكەن پوليتسەيلەردى ەسكە الاتىن كۇن.
قازاقستان پوليتسياسى كۇنى اياسىندا بارلىق ىشكى ىستەر ورگاندارى مەن بولىمشەلەرىندە سالاتاناتتى شارالار ۇيىمداستىرىلادى. بۇل جونiندە قازاقستان رەسپۋبليكاسى پرەزيدەنتى جانىنداعى ورتالىق كوممۋنيكاتسيالار قىزمەتiندە وتكەن ءباسپاسوز ءماسليحاتىندا ىشكى ىستەر ءمينيسترى قالمۇحانبەت قاسىموۆ مالiمدەدi.
«ەرتەڭ قازاقستان پوليتسياسىنىڭ كاسiبي مەرەكەسi. ونىڭ قۇرىلعانىنا 23 جىل تولىپ وتىر. ەلدiڭ iشكi iستەر ورگاندارىنىڭ تاريحى – بۇل قازاقستان تاريحىنىڭ بiر بولiگi. بiز ءجۇرiپ وتكەن جول مينيسترلىك جۇيەسiنىڭ ەڭ iرi جانە كوپفۋنكتسيونالدى قۇقىق قورعاۋ قۇرىلىمى بولا وتىرىپ, قىلمىسقا توسقاۋىل بولا الاتىنىن, كونستيتۋتسيالىق قۇقىقتاردى جانە ازاماتتاردىڭ بوستاندىعىن قورعاپ, ەلدەگi ءتارتiپتi قامتاماسىز ەتە الاتىنىن كورسەتتi», – دەدى مينيستر.
تالعات ءسۇيىنباي.
دەرەك, سۋرەت: BNews.kz.