قازاقستان جولدارىندا قىتايدا تىركەلگەن كولىكتەر ءجيى كەزدەسىپ ءجۇر. وسىعان وراي: «بۇل كولىكتەردى كىمدەر باسقارا الادى جانە ەل ازاماتتارىنا ولاردى جۇرگىزۋگە رۇقسات بار ما؟» دەگەن سۇراق ءجيى تۋىندايدى. زاڭناماعا سايكەس, حالىقارالىق قوزعالىستاعى كولىكتەرگە ەلگە كىرگەن ساتتەن باستاپ 1 جىلعا دەيىن رۇقسات بەرىلەدى, دەپ جازادى Egemen.kz.
مۇنداي كولىك حالىقارالىق قوزعالىستا دەپ ەسەپتەلۋى ءۇشىن: – ول شەتەلدە تۇراقتى تۇراتىن ادامعا نەمەسە ۇيىمعا تيەسىلى بولۋى كەرەك; – قازاقستاندا تىركەلمەۋى قاجەت; – ەلگە ۋاقىتشا اكەلىنگەن بولۋى ءتيىس.
ەرەجەگە ساي, قازاقستان ازاماتتارى شەتەلدە تۇرۋعا رۇقساتى (ۆنج نەمەسە تۇراقتى رەزيدەنتسياسى) بولماسا, مۇنداي كولىكتەردى باسقارۋعا قۇقىعى جوق. ياعني قازاقستاندىقتار قىتاي ءنومىرلى كولىكتى تەك شەتەلدە زاڭدى تۇردە تۇرىپ جاتقان جاعدايدا عانا ۋاقىتشا جۇرگىزە الادى.
ناۋرىز ايىندا قانداي اۆتوكولىكتەر كوپ ساتىلدى؟
سونىمەن قاتار, ساقتاندىرۋعا قاتىستى دا شەكتەۋ بار. قازاقستاندا تىركەلمەگەن كولىكتەرگە مىندەتتى اۆتوساقتاندىرۋ راسىمدەلمەيدى. ال ساقتاندىرۋسىز كولىك جۇرگىزۋگە زاڭمەن تىيىم سالىنعان.