ەلوردادا اۋقىمدى «تازا قازاقستان» باستاماسى اياسىندا جانە سپورت كۇنىنە وراي ء«تانى ساۋدىڭ – جانى ساۋ» اتتى ەكولوگيالىق اكتسيا ۇيىمداستىرىلدى, دەپ حابارلايدى استانا قالاسى اكىمدىگىنىڭ رەسمي سايتى.
ەكولوگيالىق ءىس-شارانى Respublica پارتياسى قالا اكىمدىگىمەن جانە «جاسىل ەل» قوزعالىسىمەن بىرلەسە وتكىزدى.
ءىس-شارا بارىسىندا پارتيا مۇشەلەرى, Respublica Jastary جاستار قاناتى مەن ReWomen قاۋىمداستىعىنىڭ وكىلدەرى ورمان بەلدەۋىندە بەلگىلەنگەن مارشرۋت بويىنشا جۇگىرىپ ءوتىپ, قوقىس جينادى.
ء«بىز ءۇشىن ەكولوگيانى ساقتاۋ جايلى ايتۋ عانا ەمەس, وعان دەگەن ۇقىپتى كوزقاراستى ءوزىمىز ۇلگى ەتۋ ماڭىزدى. پلوگگينگ – بۇل سپورت پەن قوقىس جيناۋدى ۇشتاستىراتىن ەكولوگيالىق قوزعالىس. ول ارقىلى سپورت, كوماندالىق رۋح جانە بولاشاققا قامقورلىق بىرىگەدى. ءدال وسىلاي ءبىز ەلىمىزدى جاقسى جاققا وزگەرتكىمىز كەلەدى», – دەدى Respublica پارتياسى ورتالىق اپپاراتىنىڭ باسشىسى جانات يسكاكوۆ.
ۇيىمداستىرۋشىلاردىڭ ايتۋىنشا, پلوگگينگ «تازا قازاقستان» اكتسياسىنىڭ ماقساتتارىنا قول جەتكىزۋگە جانە ەكولوگيالىق جاۋاپكەرشىلىگى جوعارى قوعام قالىپتاستىرۋعا ەلەۋلى ۇلەس قوسپاق.