ۋكراينا باسشىسى ۆلاديمير زەلەنسكي اقش پرەزيدەنتى دونالد ترامپپەن 18 تامىزدا كەزدەسەدى, دەپ حابارلايدى Egemen.kz.
زەلەنسكي الداعى كەزدەسۋ تۋرالى ءوزىنىڭ Telegram-كانالىندا جازىپ, شاقىرعانى ءۇشىن ترامپقا العىس ءبىلدىردى.
– ۋكراينا تاعى دا بەيبىتشىلىك جولىندا بارىنشا ءونىمدى جۇمىس ىستەۋگە دايىن ەكەنىن راستايدى. پرەزيدەنت ترامپ رەسەي باسشىسىمەن بولعان كەزدەسۋىن, اڭگىمە بارىسىندا كوتەرىلگەن نەگىزگى ماسەلەلەردى ماعان جەتكىزدى. امەريكانىڭ قۋاتى جاعدايدىڭ دامۋىنا ىقپال ەتەتىنى ماڭىزدى, – دەپ جازدى ول.
زەلەنسكيدىڭ ايتۋىنشا, كيەۆ ترامپتىڭ ۋكراينا – اقش – رەسەي فورماتىندا ۇشجاقتى كەزدەسۋ وتكىزۋ جونىندەگى ۇسىنىسىن قولدايدى.
– ۋكراينا نەگىزگى ماسەلەلەردى كوشباسشىلار دەڭگەيىندە تالقىلاۋعا بولاتىنىن اتاپ وتەدى, ال ۇشجاقتى فورمات وعان تولىق سايكەس كەلەدى. قاستاندىقتار مەن سوعىستى توقتاتۋ بويىنشا بارلىق ەگجەي-تەگجەيلى سۇراقتاردى دۇيسەنبى كۇنى ۆاشينگتوندا پرەزيدەنت ترامپپەن تالقىلاۋدى جوسپارلاپ وتىرمىن. شاقىرتۋ ءۇشىن العىس ايتامىن, – دەدى زەلەنسكي.