قوسىمشا بىلىممەن قامتۋ بويىنشا وقۋشىلاردىڭ جالپى سانى 3,2 ملن-نان بيىل 3,4 ملن-عا دەيىن ارتقان. ولاردىڭ 62 پايىزى (وتكەن جىلمەن سالىستىرعاندا 10 پايىزعا جوعارى) تەگىن ۇيىرمەلەرگە بارادى, دەپ جازادى Egemen.kz.
ەلىمىزدە بۇگىندە 380 ءتۇرلى باعىتتاعى ۇيىرمەلەر بويىنشا قىزمەت كورسەتەتىن 2 142 مەكتەپتەن تىس ۇيىم جۇمىس ىستەيدى.
تاربيە جۇمىسى جانە قوسىمشا ءبىلىم بەرۋ دەپارتامەنتىنىڭ باسقارما باسشىسى التاي راحىمبەرلينننىڭ ايتۋىنشا, تۇرعىلىقتى جەرىنە قاراماستان, بالالاردىڭ بارلىق ساناتتارى ءۇشىن قوسىمشا بىلىمگە تەڭ قولجەتىمدىلىكتى قامتاماسىز ەتۋگە وقۋ-اعارتۋ مينيسترلىگى ەرەكشە نازار اۋدارادى.
«وتكەن جىلى ەلىمىزدە 1713 مەكتەپتەن تىس ۇيىم جۇمىس ىستەسە, بيىل ولاردىڭ سانى 25%-عا ارتىپ, 400-دەن استام جاڭا قوسىمشا ءبىلىم بەرۋ ۇيىمى اشىلدى», دەپ اتاپ ءوتتى ا.راحىمبەرلين.
مەملەكەت باسشىسىنىڭ تاپسىرماسى بويىنشا 12 وڭىردە 22 وقۋشىلار سارايىنىڭ قۇرىلىسى جۇرگىزىلىپ جاتىر. ونىڭ ىشىندە 5 قوسىمشا ءبىلىم بەرۋ نىسانى سولتۇستىك قازاقستان, پاۆلودار وبلىستارى مەن الماتى, شىمكەنت قالالارىندا پايدالانۋعا بەرىلدى.