قازاقستان رەسپۋبليكاسى ىشكى ىستەر مينيسترلىگىنىڭ باستاماسىمەن وسكەمەن قالاسىندا عازيز بايتاسوۆ اتىنداعى حح مەرەيتويلىق رەسپۋبليكالىق جاس جول ينسپەكتورلارىنىڭ (ججي) ءسليوتى ءوتتى. شارا العاش رەت حالىقارالىق دەڭگەيدە ۇيىمداستىرىلىپ, قازاقستاندىق كوماندالارعا قىرعىز رەسپۋبليكاسىنىڭ جاستارى قوسىلدى, دەپ حابارلايدى Egemen.kz.
ەلىمىزدىڭ بارلىق وڭىرلەرىنەن كەلگەن جۇزدەگەن وقۋشى مەن شەتەلدىك قوناقتار جول قوزعالىسى ەرەجەلەرىن ءبىلۋ, العاشقى مەديتسينالىق كومەك كورسەتۋ بويىنشا بىلىمدەرىن سىنعا سالىپ, سونداي-اق بىرقاتار شىعارماشىلىق جانە تاجىريبەلىك سايىستاردا باق سىنادى. ولاردىڭ قاتارىندا — ء«بىلىمپازدار ءتۋرنيرى», «جاس رەتتەۋشى», «ۆەلوسيپەدتى مانەرلەپ جۇرگىزۋ», «اۆتوقالا», «جاس سانيتار», «جقە بىلگىرلەرى» جانە «ۇگىتبريگادا» بايقاۋلارى بار. قاتىسۋشىلار ءتارتىپ پەن جوعارى دايىندىق دەڭگەيىن عانا ەمەس, جولداعى قاۋىپسىز مىنەز-ق ۇلىقتى ناسيحاتتاۋداعى شىعارماشىلىق قابىلەتتەرىن دە كورسەتتى.
سونداي-اق «ججە بىلگىرى» اتالىمىندا ۇزدىك ناتيجە كورسەتكەن جانە جول قوزعالىسى مادەنيەتىن ارتتىرۋعا بەلسەندى ۇلەس قوسقان پوليتسيا قىزمەتكەرلەرى دە ماراپاتتالدى.
«سىزدەر – ءبىزدىڭ بولاشاعىمىزسىزدار. بۇگىننەن باستاپ جولداعى مادەنيەتتى قالىپتاستىرىپ, قۇرداستارىڭىزعا ەرەجەلەر – قاعاز جۇزىندەگى شارت قانا ەمەس, قاۋىپسىزدىكتىڭ بەرىك نەگىزى ەكەنىن تۇسىنۋگە كومەكتەسىپ جۇرسىزدەر. ءبىر كەزدەرى مەن دە ججي وتريادىنىڭ كومانديرى بولعانمىن. بۇل تاجىريبە مەنىڭ كاسىبي جولىمنىڭ باستاۋىنا اينالدى», دەدى شىعىس قازاقستان وبلىسى پوليتسيا دەپارتامەنتىنىڭ باستىعى گەنەرال-مايور ەرلان وماربەكوۆ قاتىسۋشىلاردى قۇتتىقتاپ.
مەملەكەتارالىق ەسەپتە ءبىرىنشى ورىندى قازاقستان قۇراماسى, ال ەكىنشى ورىندى قىرعىزستان كومانداسى يەلەندى.
رەسپۋبليكالىق ەسەپتىڭ قورىتىندىسى: ءى ورىندى قوستاناي وبلىسىنىڭ جاس جول ينسپەكتورلارى وتريادى, ءىى ورىندى اقمولا جانە قاراعاندى وبلىستارىنىڭ جاس جول ينسپەكتورلارى وتريادتارى, ءىىى ورىندى الماتى قالاسى, اباي جانە سولتۇستىك قازاقستان وبلىستارىنىڭ كوماندالارى يەلەندى, بارلىق جەڭىمپازدار مەن جۇلدەگەرلەر گيروسكۋتەرلەر, نوۋتبۋكتەر, پلانشەتتەر, سمارت-ساعاتتار, تەلەسكوپتار جانە وزگە دە زاماناۋي قۇرىلعىلارمەن ماراپاتتالىپ, ءاربىر قاتىسۋشىعا ەستەلىك رەتىندە ريۋكزاك پەن مونوپود تابىس ەتىلدى.
قىرعىز رەسپۋبليكاسىنىڭ وكىلدەرىنە ەكى ەلدىڭ ۆەدومستۆولارى اراسىنداعى حالىقارالىق ىنتىماقتاستىقتى دامىتۋعا جانە بايلانىستاردى نىعايتۋعا قوسقان ۇلەسى ءۇشىن «قازاقستان پوليتسياسىنا 30 جىل» توسبەلگىسى تابىس ەتىلدى.
مەرەيتويلىق سليوت ججي قوزعالىسىنىڭ — كوشباسشىلىقتى, جاۋاپكەرشىلىكتى جانە زاڭعا قۇرمەتپەن قاراۋدى قالىپتاستىراتىن شىنايى مەكتەپ ەكەنىن تاعى ءبىر مارتە دالەلدەدى. بۇل – تەك ەرەجەنى بىلەتىن عانا ەمەس, قاۋىپسىزدىك پەن ءتارتىپ قۇندىلىقتارىن قورعاي الاتىن جاس ۇرپاقتى تاربيەلەيتىن ورتا.