ۇلتتىق ستاتيستيكا بيۋروسىنىڭ الدىن الا دەرەكتەرىنە سايكەس, 2025 جىلدىڭ قاڭتار–شىلدە ايلارىندا قازاقستاننىڭ جالپى ىشكى ءونىمى ء(جىو) بىلتىرعى سايكەس كەزەڭمەن سالىستىرعاندا 6,3%-عا وسكەن, دەپ جازادى Egemen.kz.
ونىڭ ىشىندە تاۋار ءوندىرۋ كولەمى 8,3%-عا, قىزمەتتەر 5,2%-عا (بۇل رەتتە ەڭ قارقىندى سەگمەنت كولىك پەن ساۋدا بولىپ وتىر), ونەركاسىپ 6,9%-عا ارتقان.ءجىو-ءنىڭ وسۋىنە ەڭ كوپ ۇلەس قوسقان سالالار قاتارىندا كولىك جانە قويما – 22,5%, قۇرىلىس – 18,5%, كوتەرمە جانە بولشەك ساۋدا – 8,6%, تاۋ-كەن ونەركاسىبى – 8,5%, وڭدەۋ ونەركاسىبى – 6,1% بار.
كولىك جانە قويما سالاسىنداعى قىزمەت كولەمى تەمىرجول, قۇبىر جەلىلەرى جانە اۆتوموبيل كولىگىمەن جۇك تاسىمالى كولەمىنىڭ جوعارى بولۋىنا بايلانىستى 22,5%-عا ءوسىم كورسەتكەن. قۇرىلىس سالاسىندا جۇمىس كولەمى 18,5%-عا ارتتى (2025 جىلدىڭ قاڭتار–ماۋسىمىنداعى 18,4%-بەن سالىستىرعاندا). تۇركىستان وبلىسىندا (+34,6%) مەكتەپتەر, تەمىرجول جەلىلەرى جانە اۆتوجولدار قۇرىلىسى, اقتوبە وبلىسىندا (+25,6%) جايلى مەكتەپتەر قۇرىلىسى مەن جولداردى رەكونسترۋكتسيالاۋ, جامبىل وبلىسىندا (+13,1%) جانە شىعىس قازاقستان وبلىسىندا (+5,9%) تۇرعىن ۇيلەر, مەديتسينالىق نىساندار جانە ەلەكتر جەلىلەرىن سالۋ جوبالارىن جۇزەگە اسىرۋعا بايلانىستى جوعارى ءوسىم تىركەلىپ وتىر. ساۋدا 8,6%-عا وسكەن (2025 جىلدىڭ قاڭتار–ماۋسىمىندا 8,4%). ەسەپتى كەزەڭدە كوتەرمە ساۋدا 9,5%-عا ءوسىپ, جالپى ءوسىمنىڭ 66%-دان استامىن قامتىپ, بولشەك ساۋدا 6,6%-عا ارتقان. ايتارلىقتاي ديناميكا قوستاناي وبلىسىندا (+17,6%), سولتۇستىك قازاقستان وبلىسىندا (+12%) جانە استانادا (+9,2%) بايقالعان, مۇندا استىق, اگروحيميا, ازىق-ت ۇلىك, وتىن, فارماتسەۆتيكا ونىمدەرىن جانە تەحنيكا ساتۋ كورسەتكىشتەرى قارقىندى تۇردە ءوسىپ كەلەدى.ونەركاسىپ وندىرىسىندەگى وسىم – 6,9%. ەلىمىزدىڭ بارلىق وڭىرىندە ءوسىم بايقالعان, ديناميكا بويىنشا كوشباسشىلار – جامبىل وبلىسى (+18,2%), سولتۇستىك قازاقستان وبلىسى (+14,9%), شىمكەنت (+15,8%) جانە الماتى (+13,5%), سونداي-اق تۇركىستان وبلىسى (+12,3%). وڭدەۋ ونەركاسىبىندەگى ءوسىمدى (6,1%) ماشينا جاساۋ (+14%), ازىق-ت ۇلىك (+9,2%), مۇناي ونىمدەرى (+8,6%), حيميا ونەركاسىبى (+6%) جانە مەتاللۋرگيا (+1,3%) كورسەتىپ وتىر.اۋىل, ورمان جانە بالىق شارۋاشىلىقتارىنداعى وندىرىس كولەمى 3,7% دەڭگەيىندە ساقتالعان. مال شارۋاشىلىعىنداعى ءوسىم ءسۇت (+6,1%), مال, قۇس بورداقىلاۋ (+2,1%) جانە جۇمىرتقا (+0,9%) ەسەبىنەن 3,4%-عا جەتتى.
ۇكىمەت ەكونوميكاداعى نەگىزگى سالالاردى قولداۋعا, ونى ارتاراپتاندىرۋعا جانە ينۆەستيتسيالىق بەلسەندىلىكتى ىنتالاندىرۋعا ەرەكشە نازار اۋدارا وتىرىپ, ەكونوميكانىڭ تۇراقتى ءوسىمىن قامتاماسىز ەتۋ جونىندەگى پرەزيدەنتتىڭ تاپسىرمالارىن جۇزەگە اسىرۋ بارىسىن باقىلاۋدا ۇستايتىنىن حابارلادى.