تاراز قالاسى اكىمدىگى مادەنيەت جانە تىلدەردى دامىتۋ ءبولىمىنىڭ ۇيىمداستىرۋىمەن «تەكتۇرماس» ەتنوتاريحي كەشەنىندەگى «كونە قامال» امفيتەاترىندا اباي قۇنانباي ۇلىنىڭ 180 جىلدىعىنا وراي «اباي الەمى» اتتى ادەبي سازدى كەش ءوتتى, دەپ حابارلايدى Egemen.kz.
ءىس-شارانىڭ باستى ماقساتى – ۇلت رۋحانياتىنىڭ تەمىرقازىعى بولعان دارا تۇلعانىڭ باي مۇراسىن ناسيحاتتاپ, وسكەلەڭ ۇرپاققا شىعارمالارىن كەڭىنەن تانىستىرۋ.
كەش بارىسىندا حاكىمنىڭ ولەڭدەرى وقىلىپ, اباي اتىنداعى ورتالىق كىتاپحانانىڭ قىزمەتكەرلەرى ۇلى اقىننىڭ «قارا سوزدەرىنەن» ۇزىندىلەردى كوپشىلىك نازارىنا ۇسىندى. سونىمەن قاتار, اباي ولەڭدەرىنەن اندەر شىرقالدى. «تاراز جاستارى» تەاترىنىڭ ۇلى ويشىلدىڭ ومىرىنەن سىر شەرتەتىن ساحنالىق كورىنىسى دە شارانىڭ شىرايىن اشتى.
ادەبي كەش اياسىندا «اباي – ۇلى تۇلعا» اتتى كەڭ كولەمدەگى كىتاپ كورمەسى ۇيىمداستىرىلدى. كورمەگە اباي شىعارمالارى مەن اقىن جايىنداعى زەرتتەۋ ەڭبەكتەرى قويىلىپ, كەلۋشىلەر تاراپىنان زور قىزىعۋشىلىق تۋدىردى.
تاراز