ادەبي كەش « ۇلى حالىقتىڭ – ۇلى ابايى» اتتى 10 كۇندىك مەرەكەلىك شارالار اياسىندا «اباي – ماڭگىلىك عۇمىر» تاقىرىبىندا ۇيىمداستىرىلدى, دەپ حابارلايدى Egemen.kz.
ءىس-شارانىڭ نەگىزگى ماقساتى – اقىننىڭ باي رۋحاني مۇراسىن دارىپتەۋ, جاس ۇرپاقتىڭ بويىنا ۇلتتىق قۇندىلىقتار مەن مادەنيەتتى ءسىڭىرۋ جانە اباي شىعارماشىلىعىن تىڭ قىرىنان تانىتۋ بولدى.
كەش بارىسىندا قوناقتارعا ابايدىڭ ولەڭدەرى وقىلىپ, اندەرى ورىندالدى. اقىن ءومىرى مەن شىعارماشىلىعىنا قاتىستى دەرەكتەر ۇسىنىلىپ, ارنايى بەينەينستاللياتسيا مەن فوتوكورمە كورەرمەن نازارىنا ۇسىنىلدى. اشىق ميكروفون فورماتىنداعى شىعارماشىلىق پىكىر الماسۋ الاڭى قاتىسۋشىلارعا ءوز وي-پىكىرلەرىن ورتاعا سالۋعا مۇمكىندىك بەردى.
پوەزيا كەشىنە جەرگىلىكتى اقىن-جازۋشىلار, ونەرپازدار, ستۋدەنتتەر جانە قالا تۇرعىندارى قاتىستى. جاس ورىنداۋشىلاردىڭ مۋزىكالىق جانە پوەتيكالىق قويىلىمدارى كورەرمەندەرگە ەرەكشە اسەر قالدىردى.
ءىس-شارا سوڭىندا قاتىسۋشىلار اباي مۇراسىن ۇلىقتاۋ – ءاربىر ازاماتتىڭ پارىزى ەكەنىن اتاپ ءوتىپ, ونىڭ شىعارمالارىن كەڭىنەن ناسيحاتتاۋعا شاقىردى.