8 تامىز كۇنى ساعات 08:58-دە (جەرگىلىكتى ۋاقىتپەن) نەمەسە گرينۆيچ بويىنشا 03:58-دە وزبەكستان رەسپۋبليكاسىنىڭ اۋماعىندا جەر سىلكىنىسى تىركەلدى, دەپ حابارلايدى Egemen.kz وزبەكستان توتەنشە جاعدايلار مينيسترلىگى جانىنداعى سەيسمولوگيالىق بولجاۋ مونيتورينگى رەسپۋبليكالىق ورتالىعىنا سىلتەمە جاساپ.
جەر سىلكىنىسىنىڭ كوورديناتتارى: سولتۇستىك ەندىك بويىنشا 40,55 گرادۋس; شىعىس بويلىق بويىنشا 72,26 گرادۋس.
ماگنيتۋداسى — 4,2. تەرەڭدىگى — 15 كم.
جەر سىلكىنىسىنىڭ ەپيتسەنترى تاشكەنتتەن وڭتۇستىك-شىعىسقا قاراي 268 كم قاشىقتىقتا, انديجان وبلىسىنىڭ مارحامات اۋدانىندا ورنالاسقان.
دۇمپۋلەر بىرنەشە وڭىردە سەزىلدى:
انديجان وبلىسىندا — 3 بالل, 29 كم قاشىقتىقتا
فەرعانا وبلىسىندا — 2–3 بالل, 45 كم قاشىقتىقتا
نامانگان وبلىسىندا — 2 بالل, 72 كم قاشىقتىقتا
ال بۇعان دەيىن, 5 تامىزدا, كۇشى 2 بالل بولاتىن جەر سىلكىنىسى قازاقستاننىڭ وڭتۇستىگىندەگى 20 ەلدى مەكەندە سەزىلدى. جەر سىلكىنىسىنىڭ وشاعى قىرعىزستان اۋماعىندا, الماتىدان وڭتۇستىك-باتىسقا قاراي 408 كم قاشىقتىقتا ورنالاسقان ەدى.