8 تامىزدا ساعات 04:30-دا قىزىلساي-شىمكەنت ارالىعىنىڭ كۇزەتىلەتىن تەمىرجول وتكەلىندە HOWO اۆتوكولىگى مانەۆرلىك تەپلوۆوزبەن سوقتىعىسقان, وقيعا – پويىزداردىڭ ءجۇرۋ كەستەسىنە اسەر ەتكەن, دەپ حابارلايدى Egemen.kz.
الدىن الا مالىمەتتەر بويىنشا, جۇك كولىگىنىڭ جۇرگىزۋشىسى جاقىنداپ كەلە جاتقان جىلجىمالى قۇرام الدىندا وتكەلگە شىعىپ, جول ەرەجەسىن بۇزعان.
ەشكىم قازا تاپپاعان. جۇرگىزۋشى اۋرۋحاناعا جەتكىزىلگەن.
جول-كولىك وقيعاسى قوزعالىس كەستەسىنە اسەر ەتىپ, ءۇش جولاۋشىلار پويىزىنىڭ قوزعالىسى ۋاقىتشا توقتاتىلعان. 07:18-دە ۋچاسكەدەگى قوزعالىس تولىقتاي قالپىنا كەلتىرىلگەن.
«قتج» ۇك» اق جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا جانە تەمىرجول وتكەلدەرىن كەسىپ ءوتۋ كەزىندە اسا ساق بولۋعا شاقىرادى. ەرەجەلەردى بۇزۋ تەك ماتەريالدىق زيان كەلتىرىپ قانا قويماي, ءومىر مەن دەنساۋلىققا قاۋىپ ءتوندىرۋى مۇمكىن.