2025 جىلدىڭ العاشقى التى ايىندا قازاقستاندا كولىكتىڭ بارلىق تۇرىمەن 928 ميلليون جولاۋشى تاسىمالدانعان. بۇل وتكەن جىلدىڭ سايكەس كەزەڭىمەن سالىستىرعاندا 10,5%-عا ارتىق, دەپ جازادى Egemen.kz.
اۆتوموبيل جانە قالاىشىلىك كولىكتەر ءالى دە ەڭ كوپ سۇرانىسقا يە: 2025 جىلى اۆتوبۋستار, تاكسيلەر, شاعىن اۆتوبۋستار مەن تروللەيبۋستار 911,1 ملن جولاۋشىنى تاسىمالدادى, بۇل 2024 جىلمەن سالىستىرعاندا 10,7%-عا ارتىق.
جۇك تاسىمالداۋ كولەمى شامامەن 11%-عا ءوستى. ماسەلەن, ءبىرىنشى جارتىجىلدىقتا 550,8 ملن توننا جۇك تاسىمالداندى, بۇل وتكەن جىلدىڭ سايكەس كەزەڭىنەن 10,9%-عا ارتىق. ءداندى داقىلدار, كومىر, ءتۇستى جانە قارا مەتالدار, قۇرىلىس جۇكتەرى, مۇناي ونىمدەرى جانە ت.ب. ەڭ كوپ تاسىمالداندى.