قىزىلوردادا پوليتسياعا حابارلاسقان قالا تۇرعىنى بەلگىسىز ادامنىڭ ساۋدا ۇيلەرىندەگى زەرگەرلىك دۇكەندەردىڭ بىرىنەن التىن ساقينالار ۇرلاپ كەتكەنىن مالىمدەگەن, دەپ حابارلايدى Egemen.kz.
كۇدىكتى ساۋدا ورتالىعىنداعى زەرگەرلىك بۇيىمدار ساتاتىن دۇكەنگە كىرىپ, ساتۋشىدان ساقينالاردى كورسەتۋدى سۇرايدى. بۇيىمداردى مۇقيات قاراپ شىققان سوڭ, ساتۋشىنى الاڭداتىپ, التىنداردى جىمقىرىپ, وقيعا ورنىنان ءىز سۋىتقان. كەلتىرىلگەن شىعىن 200 مىڭ تەڭگەدەن اسادى.
قالالىق پوليتسيا باسقارماسىنىڭ كريمينالدىق پوليتسيا ءبولىمىنىڭ قىزمەتكەرلەرى جۇرگىزگەن جەدەل-ىزدەستىرۋ شارالارى ناتيجەسىندە ۇستالعان 29 جاستاعى ازامات اتىراۋ قالاسىنىڭ تۇرعىنى بولىپ شىقتى.
تەرگەۋ بارىسىندا بۇرىن سوتتى بولعان ونىڭ وسىعان ۇقساس تاعى ەكى ۇرلىققا قاتىسى بارى انىقتالدى.