«ستراتەگيا» قوعامدىق قورى قازاقستانداعى وتباسىلاردىڭ لگبت قاۋىمداستىعىنا دەگەن كوزقاراسىنا زەرتتەۋ جۇرگىزدى. 2,5 مىڭ رەسپوندەنت قاتىسقان ساۋالنامادا ءار ونىنشى ازاماتتىڭ جەتەۋى لگبت-نى ەل تانىم-تۇسىنىگىنە جات ەكەنىن ايتقان, دەپ جازادى Egemen.kz.
زەرتتەۋ جاھاندىق كوممۋنيكاتسيا قۇرالدارى ارقىلى قوعامىمىزعا جات يدەيالىق قۇرىلىمداردىڭ, بەينەلەر مەن نىشانداردىڭ بەلسەندى تۇردە بايقالىپ جاتقانىنا قاراماستان, قوعام ءالى دە ءداستۇرلى وتباسى ۇردىستەرىن ۇستاناتىنىن ايعاقتادى. وسىلايشا, رەسپوندەنتتەردىڭ 77,2%-ى ايەلدەر مەن ەرلەر اراسىنداعى قارىم-قاتىناس ءداستۇرلى قوعامنىڭ مورالدىق نەگىزدەرىنە قايشى كەلمەۋى كەرەك دەگەن پىكىردى العا تارتقان.10 رەسپوندەنتتىڭ 7-ءى لگبت ناسيحاتىنىڭ وسكەلەڭ ۇرپاققا قاۋىپتى دەپ تانىعان. ساۋالناماعا قاتىسقان ءاربىر ءتورتىنشى ادام جات كوزقاراس قاۋىپتىلىگىنىڭ جوعارى دەڭگەيدە ەكەنىنە نازار اۋدارعان.«ستراتەگيا» قوعامدىق قورىنىڭ وكىلى و.سيماكوۆا لگبت-عا تىيىم سالۋ تۋرالى باستامالاردىڭ قوعام تاراپىنان قولداۋ تاۋىپ وتىرعانى, حالىقتىڭ قاۋىپتىڭ الدىن الۋعا قانشالىقتى مۇددەلى ەكەنىن اڭعارتاتىنىن اتاپ ءوتتى.