ۇكىمەت رەزەرۆىنەن قىزىلوردا وبلىسىنىڭ قاجەتتىلىكتەرى ءۇشىن 53 جىلجىمالى ديزەلدى سورعى ستاناسىن ساتىپ الۋعا شامامەن 1 ملرد تەڭگە ءبولىندى, دەپ جازادى Egemen.kz.
جاڭا جابدىق ماگيسترالدى ارنالاردا سۋ دەڭگەيى تومەن بولعان كۇننىڭ وزىندە 6 مىڭنان استام گەكتار جەردى سۋارۋعا مۇمكىندىك بەرەدى.
سورعى ستانسالارى ماگيسترالدى جانە شارۋاشىلىقتار ارالىعىنداعى ارنالاردان ىشكى شارۋاشىلىق جەلىلەرىنە سۋ جىبەرۋ ءۇشىن قولدانىلادى. بۇگىندە وبلىستاعى 26,4 مىڭنان استام گەكتار جەرگە سۋارمالى ەگىن ەگىلگەن, ونىڭ 82,4 مىڭ گەكتارى كۇرىش. بيىلعى سۋارۋ ماۋسىمىندا جوسپارلانعان سۋ كولەمى 2,5 ملرد تەكشە مەتر قۇرايدى. وبلىس اكىمدىگى «قازسۋشار» رمك-ءنىڭ قىزىلوردا فيليالىمەن بىرلەسە ارنايى مونيتورينگ توبىن جاساقتاپ, سىرداريادان كەلىپ جاتقان سۋ كولەمىنە سايكەس, بەس ماگيسترالدى جانە ءۇش شارۋاشىلىقتار ارالىعىنداعى ارنالارعا سۋ بەرۋ كەستەسىن بەكىتكەن.ولجاس بەكتەنوۆ قول قويعان قاۋلى قىزىلوردا وبلىسىنىڭ اگروونەركاسىپتىك كەشەنى ترانسشەكارالىق سۋ رەسۋرستارىنا تىكەلەي تاۋەلدى ەكەنىن ەسكەرىپ, ءوڭىردى تۇراقتى تۇردە سۋمەن قامتاماسىز ەتىپ, استىق ونىمدىلىگىن جانە ازىق-ت ۇلىك قاۋىپسىزدىگىن ساقتاۋدى كوزدەيدى.