مەملەكەت باسشىسىنىڭ تۇركيا رەسپۋبليكاسىنا رەسمي ساپارى وسى ەلدىڭ نەگىزىن قالاۋشى ءارى تۇڭعىش پرەزيدەنتى مۇستافا كەمال اتاتۇرىكتىڭ كەسەنەسىنەن باستالدى, دەپ جازادى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قازاقستان پرەزيدەنتى انىتقابىر كەسەنەسىنە جەرلەنگەن ۇلى قايراتكەردىڭ رۋحىنا تاعزىم ەتىپ, قۇرمەتتى قوناقتار كىتابىنا قولتاڭبا قالدىردى. قاسىم-جومارت توقاەۆ قازاقستان مەن تۇركيانىڭ دوستىعى نىعايا بەرەتىنىنە سەنىم ءبىلدىرىپ, باۋىرلاس تۇرىك حالقىنىڭ ءوسىپ-وركەندەۋىنە تىلەكتەستىگىن جەتكىزدى.
گۇل شوعىن قويۋ راسىمىنە قازاقستاننىڭ رەسمي دەلەگاتسياسىنىڭ مۇشەلەرى دە قاتىستى.