بۇگىن ۇكىمەت وتىرىسىندا اۋىل شارۋاشىلىعى ۆيتسە-ءمينيسترى امانعالي بەردالين اگرارلىق سەكتوردا جۇمىس ورنىن ارتتىرۋ بويىنشا اتقارىلىپ جاتقان شارالاردى باياندادى, دەپ جازادى Egemen.kz.
ۆيتسە-مينيستر اۋىل شارۋاشىلىعىندا جۇمىسپەن قامتۋدى ۇلعايتۋ جونىندەگى ساياساتتى جۇزەگە اسىرۋ ماقساتىندا ۆەدومستۆو جاڭا جۇمىس ورىندارىن قالىپتاستىرۋ جانە ءوزىن-ءوزى جۇمىسپەن قامتىعان ادامداردىڭ ۇيىمداسقان شارۋاشىلىقتارعا كوشۋى ءۇشىن جاعداي جاسالىپ جاتقانىن اتاپ ءوتتى.
«الداعى ءۇش جىلدا 3,4 ترلن تەڭگە سوماعا 23 مىڭعا جۋىق جاڭا جۇمىس ورنىن قۇرۋمەن 683 جوبانى ىسكە اسىرۋ جوسپارلانىپ وتىر», دەدى امانعالي بەردالين.
«اۋىل اماناتى» باعدارلاماسىن ىسكە اسىرۋ جىلدارىندا 115 ملرد تەڭگە سوماسىنا 17 مىڭنان استام شاعىن نەسيە بەرىلىپ, اۋىلدا 20 مىڭعا جۋىق جاڭا جۇمىس ورنى قۇرىلدى.بيىل اوك ينۆەستيتسيالىق جوبالارىن جۇزەگە اسىرۋ جونىندەگى جول كارتاسىنا سايكەس 6,3 مىڭ تۇراقتى جانە ۋاقىتشا جۇمىس ورىندارىن قۇرا وتىرىپ, 616 ملرد تەڭگە سوماعا 285 ينۆەستيتسيالىق جوبانى ىسكە اسىرۋ جوسپارلانعان.