جەزقازعان قالاسىندا قوعامدىق قاۋىپسىزدىكتى ارتتىرۋ جانە جايلى ورتا قالىپتاستىرۋ ماقساتىندا جارىقتاندىرۋ جۇيەسىن ورناتۋ جۇمىستارى كەزەڭ-كەزەڭىمەن جۇزەگە اسىرىلىپ كەلەدى. قالاداعى كوشەلەر مەن اۋلالاردى جارىقتاندىرۋ جۇمىستارى ءجۇرىپ جاتىر, دەپ حابارلايدى Egemen.kz.
جەزقازعان – تالاپ باعىتىنداعى اۆتوكولىك جولىندا جەزقازعان قالاسىنىڭ تۇرعىن ءۇي-كوممۋنالدىق شارۋاشىلىعى ءبولىمى تاراپىنان 55 دانا جارىق باعانى ورناتىلدى. جەرگىلىكتى تۇرعىنداردىڭ سۇرانىسىنا سايكەس تەمىرجولشىلار كوشەسىندە قوسىمشا 10 جارىق باعانى قويىلدى.
جارىقتاندىرۋ ءىسى مۇنىمەن شەكتەلمەيدى. 2025 جىلدىڭ تامىز ايىندا جەزقازعان قالاسىنداعى اۋلالاردى جارىقتاندىرۋ جۇمىستارى قولعا الىنادى.
ۇلىتاۋ وبلىسى