قازاقستاندىق دزيۋدوشى, وليمپيادا چەمپيونى ەلدوس سمەتوۆ ءوزىنىڭ Instagram پاراقشاسىندا 2028 جىلى لوس-اندجەلەستە وتەتىن وليمپيادا ويىندارىنا قاتىسىپ, ءوز جەتىستىگىن قايتالاۋعا نيەتتى ەكەنىن مالىمدەدى, دەپ جازادى Egemen.kz.
«اسسالاۋماعالەيكۋم, قازاق ەلى! بۇگىن مەن ءۇشىن تاريحي كۇن دە كەلىپ جەتتى. وسىدان تۋرا 1 جىل بۇرىن ارمانىما قول جەتكىزىپ, وليمپيادا چەمپيونى اتاندىم. ءۇش وليمپيادانىڭ ارقايسىسىنىڭ ورنى بولەك. بىراق پاريج وليمپياداسىنىڭ التىنى اردايىم بيىك بولىپ قالا بەرەدى», دەپ جازدى سپورتشى.
سمەتوۆ بۇل جەڭىستىڭ ارتىندا وراسان ەڭبەك پەن ماڭداي تەر تۇرعانىن اتاپ ءوتتى. ول وليمپيادا التىنىن بارلىق جەتىستىگىنىڭ شىڭى دەپ باعالايدى.
«قانشاما ماڭداي تەر مەن ەڭبەكتىڭ اقتالعان كۇنى. بارلىق ماراپاتىمنىڭ شىڭى. ساتسىزدىكتەر مەن قيىندىقتار قاتار جۇرگەن جولدى ەڭسەرگەن كۇن. ارمانعا جەتۋ جولىندا ءبىز كوپ نارسەدەن باس تارتتىق, كوپ نارسەنى تارك ەتتىك, كوپ تاۋەكەلگە باردىق», دەپ جازدى دزيۋدوشى.
ول بارلىق سپورتشىلارعا ءدال وسىنداي جەڭىستى ارمانداپ, سوعان جەتۋلەرىنە تىلەكتەستىك ءبىلدىردى.
«ساتسىزدىكتەر مەن قيىندىقتار قاتار جۇرگەن جولدى ەڭسەرگەن كۇن. ارمانعا جەتۋ جولىندا ءبىز كوپ نارسەدەن باس تارتتىق, كوپ نارسەنى تارك ەتتىك, كوپ تاۋەكەلگە باردىق. ءدال وسىنداي قۋانىشتى, ءدال وسىلاي ارماندى بارلىق سپورتشى باعىندىرۋىنا تىلەكتەسپىن! وليمپيادا التىنىنان كەيىن عانا مەن ءومىرىمدى وزىمە, وتباسىما, جاقىندارىما ارناي باستادىم. پاريج التىنى ءبىز المايتىن قامال جوق ەكەنىن كورسەتتى. ءدال وسى جەڭىسىمدى 2028 جىلى لوس-اندجەلەستە قايتالاعىم كەلەدى. ينشاللا, كەلەسى ءتورت جىلدىقتىڭ باستى دوداسىندا وسى ەموتسيانى سىيلاۋ ءۇشىن بار كۇشىمدى سالامىن», دەپ ءبولىستى سمەتوۆ.
ەستەرىڭىزگە سالا كەتەيىك, ەلدوس سمەتوۆ پاريجدە وتكەن ءحححىىى جازعى وليمپيادا ويىندارىندا جەڭىسكە جەتىپ, چەمپيون اتانعان ەدى.