2021 جىلى پەريزات قايرات جالعان قۇجاتتار ارقىلى اتاۋى زاڭدى تۇردە تىركەلگەن «Biz Birgemiz Qazaqstan» قورىنا ۇقساس اتاۋى بار «Biz Birgemiz Qazaqstan 2030» اتتى قوعامدىق بىرلەستىكتى تىركەگەن. بۇل بىرلەستىك ارقىلى ول اناسى عايني الاشباەۆامەن بىرگە كوپشىلىككە كومەك كورسەتۋ ۇرانىمەن اقشا جيناپ, ءىرى كولەمدە الاياقتىق جاساعان, دەپ جازادى Egemen.kz.
سوتتا انىقتالعان دەرەكتەرگە سايكەس, پەريزات قايرات پەن اناسى:
2021 جىلعى قاراشا مەن 2023 جىلعى قازان ارالىعىندا قايىرىمدىلىق ورتالىعىن سالۋ, مۇمكىندىگى شەكتەۋلى بالالارعا كومەك كورسەتۋ جانە قوعامدىق شارالار ۇيىمداستىرۋ جەلەۋىمەن 126,7 ميلليون تەڭگە جىمقىرعان;
2023 جىلعى قاراشادان 2024 جىلعى ساۋىرگە دەيىن پالەستينا حالقىنا كومەك كورسەتۋ دەگەن سىلتاۋمەن 559,1 ميلليون تەڭگە جيناپ, جەكە ماقساتتارىنا جۇمساعان;
2024 جىلعى ءساۋىر مەن قاراشا ارالىعىندا, ەلىمىزدە توتەنشە جاعداي جاريالانعان كەزدە, سۋ تاسقىنىنان زارداپ شەككەندەرگە كومەك كورسەتۋ دەگەن جەلەۋمەن 2,8 ميلليارد تەڭگە يەمدەنگەن.
وسىلايشا, الاياقتىق جولمەن جينالعان قاراجاتتىڭ جالپى سوماسى 3,5 ميلليارد تەڭگەنى قۇراعان. بۇل قاراجاتتار پەريزات قايرات پەن گايني الاشباەۆانىڭ جەكە شوتتارىنا اۋدارىلىپ وتىرعان.
تەرگەۋ بارىسىندا ولار قىلمىستىق جولمەن الىنعان اقشانى گۇل بيزنەسىنە ينۆەستيتسيا سالۋ, جالعان مامىلەلەر جاساۋ, قىمبات جىلجىمايتىن م ۇلىك, اۆتوكولىك, زەرگەرلىك بۇيىمدار, كيىم-كەشەك, جيھاز ساتىپ الۋ, ساياحاتتار جانە جوندەۋ جۇمىستارىنا تولەۋ ارقىلى زاڭداستىرعانى انىقتالدى.
ءىس ماتەريالدارى بويىنشا سوت ۇكىمى تاعايىندالىپ, ەكى كۇدىكتىنىڭ زاڭسىز ارەكەتتەرى دالەلدەندى.