الماتىنىڭ «مەدەۋ» مۇز ايدىنىندا ۇلتتىق قولونەردى ناسيحاتتاۋ ماقساتىندا «الامان قۇراق – 2025» مادەني بايقاۋى ءوتتى. ەلدىڭ ءار وڭىرىنەن 660 قۇراقشى قاتىسىپ, 1 366 شارشى مەترلىك قۇراق كورپە قۇرادى. قۇراقشىلاردىڭ كوز مايىن سارقا تاۋىسىپ, قولمەن تىككەن ەڭبەگى Global Book of Records دۇنيەجۇزىلىك رەكوردتار كىتابىنا ەندى.
قازاقتىڭ قۇراق ونەرى تۇڭعىش رەت الەمدىك رەكوردقا ەندى. كورسەتكىشكە اباي جانە شىعىس قازاقستان وبلىسىنان 34 قۇراقشى قاتىسىپ, ۇلەس قوستى. ولاردىڭ قاتارىندا اباي وبلىسىنان 13 مۇعالىم مەن 2 وقۋشى بار. تىگىن شەبەرلەرى سەمەي قالاسى, اياگوز, كوكپەكتى, اباي اۋداندارى گيمنازيالار, ليتسەيلەر, مەكتەپتەر مەن قوسىمشا ءبىلىم بەرۋ مەكەمەلەرىنەن جينالعان.
سەمەي قالاسىنداعى №19 مەكتەپتىڭ مۇعالىمى باقىتجان شاپەنوۆا اباي جانە شقو قاتىسۋشىلارىنا جەتەكشىلىك ەتىپ, ءىس-شاراعا باستاپ بارعان ەدى. بىلىكتى ۇستاز جەتەكشىلىك ەتكەن قاتىسۋشىلار اباي ايماعىن الەمدىك بيىككە كوتەردى. ال جوبانىڭ نەگىزگى اۆتورى – اياگوز اۋدانى تاڭسىق اۋىلىنىڭ تۋماسى, قولونەر جاناشىرى نۇرگۇل ابايحان. وسىناۋ شەبەردىڭ باستاماسى ۇلتتىق ونەردى ەل دەڭگەيىندە عانا ۇلىقتاپ قويماي, قازاق انالارىنىڭ اۋىزبىرلىگى مەن ەڭبەكقورلىعىن, قۇراق قۇراۋ قابىلەتىن الەمگە ايگىلەدى.
اباي وبلىسى