اقتاۋ گارنيزونىنداعى اسكەري ءبولىم ساربازى ر. جايعاليەۆتىڭ قازا بولۋىنا قاتىستى قىلمىستىق ءىس بويىنشا تەرگەۋ اياقتالىپ, سوتقا جولداندى, دەپ حابارلايدى Egemen.kz.
وقيعا بيىلعى 17 اقپاندا بولعان. تەرگەۋ مالىمەتىنشە, اسكەري ءبولىم كومانديرى قىزمەتتىك مىندەتتەرىن تيىسىنشە ورىنداماعان. اتاپ ايتقاندا, جەكە قۇرامدى باقىلاۋ مەن قارۋ قولدانۋ ءتارتىبىن قامتاماسىز ەتۋگە قاتىستى جارعىلار مەن ۆەدومستۆولىق تالاپتاردى ساقتاماعانى انىقتالعان. سونىڭ سالدارىنان قايعىلى جاعداي بولعان.
باس اسكەري پروكۋراتۋرانىڭ حابارلاۋىنشا, اسكەري پروكۋرورلاردىڭ تۇراقتى باقىلاۋى مەن جەدەل-تەرگەۋ توبىنىڭ ۇيلەسىمدى جۇمىسىنىڭ ارقاسىندا قىسقا مەرزىم ىشىندە قاجەتتى دالەلدەر جينالىپ, سوت ساراپتامالارى جۇرگىزىلگەن.
تەرگەۋ اياقتالىپ, ءىس سوتتىڭ قاراۋىنا جىبەرىلدى.
سونىمەن قاتار, بارلاۋ-شابۋىل باتالونىنىڭ كومانديرى, ونىڭ ورىنباسارى جانە روتا كومانديرى قىزمەتتەرىنەن بوساتىلدى. بۇدان بولەك, 10 لاۋازىمدى تۇلعا تارتىپتىك جاۋاپكەرشىلىككە تارتىلعان.
باس اسكەري پروكۋراتۋرا اسكەري قىزمەتشىلەردىڭ ولىمىنە سەبەپ بولعان قىلمىستار بويىنشا كىنالىلەردى جاۋاپقا تارتۋ جۇمىستارى جالعاساتىنىن مالىمدەدى.
ەسكە سالايىق, جامبىل وبلىسىندا كومانديردىڭ سالعىرتتىعىنان بولعان سارباز ءولىمى بويىنشا تەرگەۋ اياقتالدى.
اباي وبلىسىنداعى سارباز ولىمىنە كىنالى دەپ تانىلعان دارىگەر جازادان بوساتىلدى.