گەرمانيادا ءوتىپ جاتقان 2025 جىلعى جازعى ۋنيۆەرسيادادا قازاقستان سپورتشىلارى العاشقى جەتىستىكتەرىنە قول جەتكىزدى. دزيۋدو جارىستارىنىڭ العاشقى كۇنىندە ۇلتتىق قۇرامانىڭ ەكى وكىلى جۇلدەلى ورىننان كورىندى, دەپ حابارلايدى Egemen.kz.
60 كەلىگە دەيىنگى سالماق دارەجەسىندە امان باقىتجان قولا مەدال ءۇشىن وتكەن بەلدەسۋدە گرۋزيالىق قارسىلاسى لۋكا مودەبادزەنى جەڭىپ, ءۇشىنشى ورىنعا يە بولدى.
ال 66 كەلىگە دەيىنگى سالماقتا بەلدەسكەن نۇرقانات سەرىكباەۆ ۋكراينالىق سپورتشى ميكيتا حولوبورودكونى ايقىن باسىمدىقپەن ۇتىپ, قازاقستان قۇراماسىنىڭ قورجىنىنا تاعى ءبىر قولا جۇلدە سالدى.