مەگاپوليستىڭ بۇگىنگى يندۋستريالىق مۇمكىندىگى

«وڭتۇستىك» يندۋستريا­لىق ايماعىندا قۇنى 130 ملرد تەڭگە بولاتىن 96 كا­سىپ­ورىن ور­نا­لاسقان. 3 064 ادامعا جۇمىس ورنى كوز­دەل­گەن. قازىر 83 كا­سىپورىن ىسكە قوسىلعان, وندا 2 785 ادام ەڭبەك ەتەدى. وسى جوبالاردى ىسكە اسىرۋعا 120 ملرد تەڭگەنىڭ ينۆەستيتسياسى تار­تىلدى. 2024 جىلى 847 ملن تەڭگەگە 3 ينۆەستيتسيالىق جوبا قولعا الىنىپ, 68 جاڭا جۇمىس ورنى قۇرىلدى. بۇلار – پولي­ەتيلەن ونىمدەرىن وندىرەتىن «Easy Pack» زاۋىتى, پكس ماركىلى كار­تون شىعاراتىن «بۋمپروم» كاسىپ­ورنى جانە ونەركاسىپتىك ەلەكتر جاب­دىقتارى مەن اككۋمۋلياتور جاسايتىن «بەرەكە ينۆەست-5».

«تاسساي» يندۋستريالىق ايما­­عىندا جالپى قۇنى 95,3 ملرد تەڭگەگە 42 جوبا تىركەل­گەن. 33 كاسىپورىن اشىلىپ, 2 مىڭنان استام ادامعا جۇمىس تابىلدى. 95,3 ملرد تەڭگەگە 3 030 جاڭا جۇمىس ورنىمەن 42 جوبا ىسكە اسىرىلىپ جاتىر. ونىڭ ىشىندە جالپى قۇنى 44,5 ملرد تەڭگەگە 33 جوبا ىسكە قوسى­لىپ, وندا 2 195 جۇ­مىس ورنى اشىلدى. بىلتىر «Shymkent-Reklama» جشس-نىڭ جارنامالىق قۇرى­لىمدار ون­دىرەتىن جانە قىزمەت كور­سەتەتىن كاسىپورنى ىسكە قوسىلدى. مۇندا 10 ادام جۇمىس ىستەيدى. جوباعا ينۆەس­تور 100 ملن تەڭگە ينۆەستيتسيا قۇيعان.

ساۋدا-لوگيستيكالىق ورتالىعىندا 9 جوبانى اتاپ ءوتۋ كەرەك. ولارعا 70,5 ملرد تەڭگە ينۆەستيتسيا جۇمسالعان. 810 جۇمىس ورنى قۇرىلادى دەپ كورسەتىلگەن. ءدال قازىر وندا 9 جوبانىڭ تورتەۋى ىسكە اسىرىلىپ, 345 ادام ەڭبەكپەن قامتىلدى. جۇمسالعان ينۆەستيتسيا 24 ملرد تەڭگەدەن اسادى.

«وڭتۇستىك» ارنايى ەكونو­ميكالىق ايماعىندا 67,9 ملرد تەڭگەگە 41 كاسىپورىن سالىندى. مىڭنان اسا ادام جۇمىس ىستەيدى. بىلتىر كاسىپكەرلەر 7,8 ملرد تەڭگەگە 4 ينۆەستيتسيالىق جوبانى باستاپ, 350-دەي ادامدى جۇمىسپەن قامتىدى. ءتورت جوبا دەپ وتىرعانىمىز – «Balabi textile» جشس-نىڭ ش ۇلىق بۇيىمدارى ءوندىرىسى, «Cleans Fabric» جشس-نىڭ ىلعالدى مايلىقتار شىعاراتىن كاسىپورنى, اياقكيىم تىگەتىن «Nappa.kz» جشس فابريكاسى جانە ىلعالدى مايلىقتار وندىرەتىن «Hayat cosmetics» جشس زاۋىتى. اتالعان 4 ءوندىرىس وشاعىن ىسكە قوسۋعا ميللياردتاعان تەڭگە ينۆەستيتسيا سالىنىپ, ناتيجەسىندە جۇزدەگەن ادام قازىر سوندا ەڭبەك ەتىپ جاتىر.

«جۇلدىز» يندۋستريالىق ايماعىنىڭ ينجەنەرلىك-ينفرا­قۇرىلىم جۇيەلەرىنىڭ قۇرىلىسى 90%-عا اياقتالدى. وعان مەملەكەت قازى­ناسىنان 13,7 ملرد تەڭگە قارا­جات جۇمسالدى. مۇندا كەلەشەكتە 59 زاۋىت سالىنادى. ءتورت مىڭنان اسا ادام ەڭبەك ەتەدى. وسى ماقساتتى ورىنداۋعا ينۆەستورلار 179 ملرد تەڭگە قارجى جاراتۋعا دايىن.

ال بيىل 7 كاسىپورىن ءونىم شىعارۋدى باستادى. ول ءۇشىن 39 ملرد تەڭگە جۇمسالدى. قازىر كاسىپورىنداردا 951 ادام جۇمىس ىستەپ جاتىر. بۇل 7 جوبا – «Wan Sheng Ceramic» جشس-نىڭ كەراميكالىق تاقتالارى, «First Concrete Company» جشس-نىڭ تەمىر-بەتون بۇيىمدارى, «Alem Stone» جشس-نىڭ اسفالت ءوندىرىسى, «دسك 17» جشس-نىڭ ءۇي قۇرىلىسى كومبيناتى, «وڭتۇستىك عيمارات» جشس-نىڭ اسفالتبەتون شىعارۋ جوباسى, «ەۆرو زناك» سەرىكتەستىگىنىڭ كوپىر جانە جول كونسترۋكتسيالارىنا ارنالعان تەمىر-بەتون مەن «يۋگ Oil Pro» فيرماسىنىڭ بيتۋم قابىل­داۋ, ساقتاۋ جانە اسفالت وندى­رى­ستەرى.

«بوزارىق» اگرو-يندۋس­تريالىق ايماعىنىڭ جالپى اۋما­عى 132 گەكتار­دى قۇرايدى. ايماقتا جالپى قۇنى 49,6 ملرد تەڭگەنىڭ 25 جوباسىن ىسكە اسىرۋ كوزدەلىپ وتىر. بۇگىندە اتالعان ايماقتىڭ ينجە­نەر­لىك-ينفراقۇرىلىم جەلى­لەرى­نىڭ قۇرىلىس جۇمىستارى 95%-عا ءتامامدالدى. ينجەنەرلىك-ينفرا­قۇرىلىم جەلىلەرىن تارتۋعا 12,6 ملرد تەڭگە جۇمسالماق. كاسىپكەرلىك باسقارماسىنىڭ بەرگەن مالىمە­تىنە سايكەس, قۇرىلىس جۇمىستارى بيىل ءتورتىنشى توقساندا اياقتالۋ­عا ءتيىس. يندۋستريالىق ايماقتى سۋمەن جابدىقتاۋعا جانە كارىز جۇيەسىن جۇرگىزۋگە بيۋدجەتتەن 4,7 ملرد تەڭگە قاراجات ءبولىندى. ودان بولەك, ساۋدا-لوگيستيكالىق ورتالىعىن 136 گەكتارعا كەڭەيتۋ جۇمىستارى ءجۇرىپ جاتىر. قازىر ينجەنەرلىك-ينفراقۇرىلىمدىق جەلىلەردى تارتۋعا تەحنيكالىق ەكونو­ميكالىق نەگىزدەمە ازىرلەنىپ, مەم­لەكەتتىك ساراپتامانىڭ وڭ قورىتىندىسى الىندى. جالپى, ينجەنەرلىك ينفراقۇرىلىمعا 8,9 ملرد تەڭگە قاجەت. وعان لوگيس­تيكالىق ورتالىقتى گاز, سۋ, كارىز, ەلەكتر جۇيەسىمەن, اۆتوموبيل, تەمىر­جولمەن قامتاماسىز ەتۋ جوسپا­رى كىرەدى. قۇرىلىس جۇمىس­تارى بيىل بىتە قويمايدى.

«وڭتۇستىك» ارنايى ەكونو­مي­كالىق ايماعىن 175 گەكتارعا جانە «جۇلدىز» يندۋستريالىق ايماعىن 155 گەكتارعا كەڭەيتۋ ءۇشىن مەملەكەت مۇقتاجدىعىنا 330 گەكتار جەردى قايتارۋدىڭ جۇمىس­تارى باستالدى دەيدى كاسىپ­كەرلىك باسقارماسىنىڭ مامان­دارى. قازىر 288 گەكتار جەر ۋچاسكەسى مەملەكەت مەنشىگىنە ءوتىپ, قالعانى بويىنشا باعالاۋ ءالى بىتكەن جوق جانە سوتتا قارالىپ جاتىر. جەر ۋچاسكەلەرى تولىعىمەن قايتارىلعاننان كەيىن قاجەتتى ينجەنەرلىك ينفراقۇرىلىم جوبا­سى ازىرلەنبەك. سونىمەن قاتار ەنەرگەتيكا جانە ينفرا­قۇرى­لىمدى دامىتۋ باسقارماسى تارا­پىنان قۋاتتىلىعى 100 مۆت قۇراي­تىن «جۇلدىز» قوسالقى ستانسا­سى­نىڭ جوباسى ازىرلەنۋ ۇستىندە. جوبا قۇنى شامامەن 15-18 ملرد تەڭگەنى قۇرايدى. قوسالقى ستانسا 2026-2027 جىل­دارى ىسكە قوسىلادى. سونىڭ ناتي­جەسىندە ستانساعا جاقىن ماڭ­داعى يندۋستريالىق ايماق­تار تولى­­عىمەن ەلەكتر قۋاتىمەن جاب­دىقتالادى.

Cونداي-اق جەرگىلىكتى اتقارۋ­شى بيلىك مەتاللۋرگيا سالاسىندا­عى جوبالاردى ىسكە اسىرۋعا اۋماعى 1 076 گەكتار بولاتىن قالانىڭ وڭتۇستىك-باتىس باعىتىندا جاڭا يندۋستريالىق ايماعىن قۇرۋعا كىرىستى. قازىر يندۋستريالىق ايماق تۇجىرىمداماسى ازىرلەنىپ, قالا اكىمدىگىنىڭ قاۋلىسى قابىلداندى. ەندىگى كەزەكتە ەنەرگەتيكا جانە ينفراقۇرىلىمدى دامىتۋ باسقار­ماسىنا اتالعان اۋماقتا كاسىپ­ورىندارعا كەرەكتى ينجەنەرلىك-ينفرا­­قۇرىلىمعا قوسىلۋ نۇكتە­لەرىن انىقتاپ, جوبالاۋ جۇمىس­تا­رىن جۇرگىزۋ قاجەت. سونىمەن قاتار جەر ۋچاسكەلەرىن مەملەكەت مۇق­تاج­دىعىنا قايتارۋ ءىسى دە باس­تالۋ كەرەك.