استانا. 19 ناۋرىز. شىعىس قازاقستان ءوڭىرىنىڭ اكىمى دانيال احمەتوۆتىڭ وكىمىمەن ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى بولىپ قۋات تۋماباەۆ تاعايىندالدى. بۇل تۋرالى «قازاقپارات» حابارلادى.
ق.تۋماباەۆ 1980 جىلدىڭ 30 قازانىندا سەمەي قالاسىندا تۋعان. شاكارىم اتىنداعى سەمەي مەملەكەتتىك ۋنيۆەرسيتەتىن 2001 جىلى «حالىقارالىق ەكونوميكالىق قاتىناستار» ماماندىعى بويىنشا, ال 2003 جىلى قازاق گۋمانيتارلىق زاڭ ۋنيۆەرسيتەتىن «قۇقىقتانۋ» ماماندىعى بويىنشا تامامداعان.
ەڭبەك جولىن 2001 جىلى «اليانس بانك» اق-نىڭ (الماتى قالاسى) نەسيەلىك ءبولىمىنىڭ مامانى رەتىندە باستاعان. 2002-2003 جىلدارى سەمەي قالاسىنداعى «قازپوليگراف» اق-نىڭ قارجى-ەكونوميكالىق تالداۋ ءبولىمىنىڭ مامانى, 2005 جىلدىڭ ءساۋىر ايىنا باستاپ - ەكونوميكا جانە بيۋدجەتتىك جوسپارلاۋ مينيسترلىگىنىڭ مەملەكەتتىك الىس-بەرىس جانە نەسيەلەندىرۋدى جوسپارلاۋ دەپارتامەنتىندەگى ۇكىمەتتىك الىس-بەرىس ساياساتى ءبولىمىنىڭ باستىعى بولىپ قىزمەت اتقارعان.
ال 2005 جىلدىڭ قىركۇيەك ايىنان باستاپ ەكونوميكا جانە بيۋدجەتتىك جوسپارلاۋ مينيسترلىگىنىڭ ينۆەستيتسيالىق ساياسات جانە جوسپارلاۋ دەپارتامەنتىندەگى بيۋدجەتتىك ينۆەستيتسيالاردى جوسپارلاۋ باسقارماسى باستىعىنىڭ ورىنباسارى, 2006 جىلدىڭ قىركۇيەگىنەن باستاپ باسقارما باستىعى بولىپ جۇمىس ىستەگەن. 2008 جىلدان باستاپ ەكونوميكا جانە بيۋدجەتتىك جوسپارلاۋ مينيسترلىگىنىڭ ينۆەستيتسيالىق ساياسات دەپارتامەنتى ديرەكتورىنىڭ ورىنباسارى قىزمەتىنە اۋىستىرىلدى.
2011 جىلى ەكونوميكالىق دامۋ جانە ساۋدا مينيسترلىگىنىڭ ايماقتىق دامۋ كوميتەتى توراعاسىنىڭ ورىنباسارى بولىپ تاعايىندالدى. 2012 جىلدىڭ ءساۋىر ايىنان باستاپ ەكونوميكالىق دامۋ جانە ساۋدا مينيسترلىگى ينۆەستيتسيالىق ساياسات دەپارتامەنتىنىڭ ديرەكتورى بولعان.
2014 جىلدىڭ ءساۋىر ايىنان بەرى ۇلتتىق كاسىپكەرلەر پالاتاسى باسقارماسى توراعاسىنىڭ كەڭەسشىسى بولىپ جۇمىس ىستەگەن.
جولدىباي بازار.
دەرەك: «قازاقپارات».
سۋرەت: inmsk.ru.