سوناۋ سينگاپۋردان كەلگەن تۋريست قىز ىلە الاتاۋى مەملەكەتتىك ۇلتتىق تابيعي پاركىنىڭ اۋماعىنداعى ساتپاەۆ شىڭىنا كوتەرىلگەن كەزدە زاقىم العانى تۋرالى الماتى قالالىق قۇتقارۋ قىزمەتىنىڭ رەسمي پاراقشاسىندا جاريالاندى, دەپ حابارلايدى Egemen.kz.
ساتپاەۆ شىڭى (بۇرىنعى سوۆەتتەر شىڭى) - جوسالى كەزەڭ اسۋىنان سولتۇستىككە قاراي 4317 مەتر بيىكتىكتە ورنالاسقان, ماڭىندا «كوسموستانتسيا» عىلىمي ستانساسى بار. ساتپاەۆ شىڭى - كۇردەلىلىگى جاعىنان 1ا ساناتىنا جاتاتىن, الپينيستەر ءجيى بەتكە الاتىن باعىت.
سينگاپۋرلىق تۋريست قىزدى ىزدەپ-تابۋ, العاشقى كومەك كورسەتۋ وپەراتسياسىنا الماتى №4 قالالىق كلينيكالىق اۋرۋحاناسىنىڭ تراۆماتولوگ-ورتوپەدى كونستانتين موروزوۆ قاتىستى. قۇتقارۋشىلار وقيعا ورنىنا جەتىپ, الماتى قالالىق الپينيزم فەدەراتسياسىنىڭ نۇسقاۋشىلارىمەن بىرگە زارداپ شەككەن ادامعا العاشقى مەديتسينالىق كومەك كورسەتىپ, ونى تومەن ءتۇسىرۋدى باستادى. كەيىنىرەك ونى اۋرۋحاناعا جەتكىزۋ ءۇشىن «ايۋساي» ۆيزيت-ورتالىعىنان جوعارى ورنالاسقان وتكەلگە جەدەل جاردەم بريگاداسى شاقىرتىلدى.
«سەنبى كۇنى ساتپاەۆ شىڭىنىڭ ەتەگىندە جۇرگەنىمىزدە, تاۋدىڭ ءبىر قيىن تۇسىندا توتەنشە جاعداي بولعانى تۋرالى حابار ءتۇستى. ءبىز الماتى قالالىق الپينيزم فەدەراتسياسىنىڭ نۇسقاۋشىلارىمەن دەرەۋ وقيعا ورنىنا بەت الدىق. زارداپ شەككەن ادام مۇزدىق جارتاستان سىرعىپ قۇلاعان ەكەن. جاعدايىن باعالاپ, قانىن توقتاتىپ, جاراسىن تاڭدىق, سودان سوڭ ونى بازالىق لاگەرگە تۇسىردىك. شەتەلدىك الپينيست جابىق باس-مي جاراقاتىن العان, ماڭداي-سامايىندا قولىندا جارالانعان. جاعدايى بىرقالىپتى بولدى. ونى تجم قىزمەتكەرلەرىنە تاپسىردىق, ولار ءوز كەزەگىندە جەدەل جاردەم بريگاداسىنا جەتكىزدى», دەيدى الماتى №4 قالالىق اۋرۋحاناسىنىڭ تراۆماتولوگ-دارىگەرى كونستانتين موروزوۆ.
ناۋقاس ورتالىق قالالىق كلينيكالىق اۋرۋحاناعا جەتكىزىلىپ, بارلىق قاجەتتى اسپاپتىق تەكسەرۋدەن ءوتتى. ول شۇعىل گوسپيتاليزاتسيانى قاجەت ەتپەگەندىكتەن, امبۋلاتورلىق ەمدەلۋگە جىبەرىلدى.
ال كونستانتين راشيد ۇلى تراۆماتولوگيا مەن ورتوپەديا سالاسىندا 30 جىلدىق تاجىريبەسى بار مامان. ول تاۋلىك بويى جۇمىس ىستەيتىن قابىلداۋ ءبولىمىنىڭ دارىگەرى رەتىندە ەڭ كۇردەلى ۋچاسكەدە قىزمەت اتقارادى. وسى جىلدار ىشىندە ول مىڭداعان توتەنشە جاعدايلارعا ارالاسقان.
بوس ۋاقىتىندا ۆولونتەر رەتىندە تاۋلى ايماقتاردا ەكسپەديتسيالارعا قاتىسىپ, الپينيستەرگە سەرىك بولادى, تاۋدا العاشقى كومەك كورسەتۋ بويىنشا ساباق وتكىزەدى.
«الپينيزممەن اينالىسقانىما 20 جىلدان استى. تاۋعا ءجيى شىعامىن, ءتۇرلى ەكسپەديتسيالارعا قاتىسامىن. الپينيستەرگە جولسەرىك بولامىن, نۇسقاۋشىلارعا العاشقى كومەك كورسەتۋ بويىنشا ءدارىس وقيمىن. العاشقى كومەك قوبديشاسى ۇنەمى وزىممەن بىرگە: بيىكتىككە ارنالعان, جورىققا ارنالعان جانە كەيدە ستاتسيونارلىق جيناق تا بولادى. جاڭا تۋريستەر ەڭ كوپ جىبەرەتىن قاتەلىك - ءوز كۇشىن دۇرىس باعالاماۋ مەن قاۋىپسىزدىك ەرەجەلەرىن ەلەمەۋ», دەيدى №4 قالالىق كلينيكالىق اۋرۋحانانىڭ دارىگەرى كونستانتين موروزوۆ.
قالالىق قۇتقارۋ قىزمەتى ونىڭ ىزدەستىرۋ-قۇتقارۋ جۇمىسىنا قوسقان ۇلەسىن ەرەكشە اتاپ ءوتتى.
قالالىق قۇتقارۋ قىزمەتى ءوز اقپاراتتىق رەسۋرسىندا تاۋلى ايماقتارعا شىعاتىن تۋريستەرگە قاۋىپسىزدىك شارالارىن ساقتاۋدى جانە جورىققا شىعار الدىندا جاقىندارىن نەمەسە قۇتقارۋ قىزمەتىن جوسپارلانعان باعىتتان حاباردار ەتۋدى ۇمىتپاۋ كەرەك ەكەنىن ەسكە سالادى.