1962 جىلى كەڭەستىك جازۋشىلار اركادي مەن بوريس سترۋگاتسكيلەر «پولدەن, XXII ۆەك» اتتى عىلىمي-فانتاستيكالىق پوۆەسىن جارىققا شىعارادى. بۇل شىعارمادا بولاشاقتاعى عىلىم مەن تەحنيكانىڭ جەتىستىكتەرى, ادامزاتتىڭ جاڭا دامۋ ساتىسىنا كوتەرىلۋى كەڭىنەن سۋرەتتەلەدى. سولاردىڭ ءبىرى – كاسپارو-كارپوۆ جۇيەسى دەپ اتالاتىن تاڭعالارلىق تەحنولوگيا. بۇل جۇيە ادامنىڭ ميىن «كوشىرىپ», ونىڭ ماتەماتيكالىق مودەلىن جاساۋ ارقىلى ادام ساناسىن زەرتتەۋدى ماقسات ەتەدى, دەپ جازادى Egemen.kz.
ال مۇندا قىزىق جايت بار. پوۆەستە كاسپارو-كارپوۆ جۇيەسى اتالاتىنى تۋرالى ايتتىق. بىراق ول ۋاقىتتا شاحماتتىڭ قوس الىبى كاسپاروۆ پەن كارپوۆتىڭ ەسىمدەرى ەشكىمگە تانىمال ەمەس ەدى. اناتولي كارپوۆ ول كەزدە نەبارى 11 جاستا, ءالى ۇلكەن جارىستارعا قاتىسپاعان. ال گارري كاسپاروۆ ءتىپتى دۇنيەگە دە كەلمەگەن! ياعني, بۇل ەكى ەسىمنىڭ قاتار اتالۋى – تاڭعالارلىق قۇبىلىس.
كوپتەگەن وقىرمان مەن ادەبيەت زەرتتەۋشىلەرى بۇل جاعدايدى شىعارماشىلىق ينتۋيتسيانىڭ نەمەسە بولاشاقتى بولجاۋدىڭ ءبىر مىسالى رەتىندە قابىلدايدى. ادەبيەتتە مۇنداي توسىن سايكەستىكتەر ءجيى كەزدەسىپ جاتادى. ءبىر قاراعاندا, جازۋشىلار جاي عانا ەكى ەسىم الىپ, ءبىر عىلىمي جۇيەگە ات بەرگەندەي اسەر قالدىرۋى مۇمكىن. الايدا ءدال سول ەسىمدەردىڭ كەيىن الەمگە ايگىلى شاحماتشىلار اتىنا اينالۋى – فانتاستيكانىڭ شىن ومىرمەن قىزىق بايلانىسى ەكەنىن كورسەتەدى.
بۇل سايكەستىك تۋرالى سترۋگاتسكيلەردىڭ وزدەرى ناقتى پىكىر بىلدىرمەگەن. ياعني, بۇل ەكى ەسىمدى ناقتى ادامداردان العان-الماعانى بەلگىسىز. بىراق شىعارماشىلىقتا ءجيى قولدانىلاتىن ءتاسىل – ەرەكشە ءارى جات ەسىمدەردى ويلاپ تابۋ. سترۋگاتسكيلەر بۇل ءتاسىلدى ءجيى قولدانعان. دەگەنمەن ءدال وسى كاسپارو-كارپوۆ جۇيەسى سىندى ناقتى تىركەس بولاشاقتا شىن ادامدارمەن سايكەس كەلىپ جاتسا – ول ءوز الدىنا ءبىر فەنومەن.