قازاقستاندىق بوكسشى ساكەن بيبوسىنوۆ كاسىپقوي رينگتەگى تۇڭعىش جەكپە-جەگىن ءساتتى وتكىزدى, دەپ حابارلايدى Egemen.kz.
بيبوسىنوۆ قىرعىزستان استاناسى بىشكەكتە وتكەن بوكس كەشىندە فيليپپيندىك كريستيان لەگانەمەن (6 جەڭىس, 1 جەڭىلىس, 3 تەڭ) قولعاپ ءتۇيىستىردى. 52,1 كەلىگە دەيىنگى سالماق دارەجەسىندە جوسپارلانعان التى راۋندتىق جەكپە-جەك ءبىرىنشى راۋندتا-اق اياقتالدى. وتانداسىمىز قارسىلاسىن اۋىر نوكاۋتقا ءتۇسىرىپ, جەڭىسكە جەتتى.
بۇل — ساكەن بيبوسىنوۆتىڭ كاسىپقوي بوكستاعى العاشقى جەڭىسى. ال ونىڭ قارسىلاسى كريستيان لەگانە ەكىنشى مارتە جەڭىلىپ وتىر.
ايتا كەتەيىك, ساكەن بيبوسىنوۆ — 2021 جىلعى بەلگرادتاعى الەم چەمپيونى, 2020 جىلعى توكيو وليمپياداسىنىڭ قولا جۇلدەگەرى. سونداي-اق, ازيا چەمپيوناتتارىندا 2021 جىلى قولا, ال 2022 جىلى كۇمىس مەدال يەلەنگەن.