كۇننەن قورعايتىن كوزىلدىرىكتى قالاي دۇرىس تاڭداۋ كەرەك؟

كۇن ساۋلەسىنىڭ كوزگە اسەرى قانداي؟

ارتىق ۋلتراكۇلگىن ساۋلە كوزدىڭ بەتكى جانە ىشكى تىندەرىنە زاقىم كەلتىرۋى مۇمكىن. بۇل جاعداي, اسىرەسە, كاتاراكتا سياقتى قاۋىپتى كوز اۋرۋلارىنا اكەلىپ سوعۋى ىقتيمال. ال ينفراقىزىل ساۋلەلەر ودان دا تەرەڭ ەنىپ, تورلى قابىقتى كۇيدىرىپ جىبەرۋى مۇمكىن. مۇنداي اسەرلەردىڭ سالدارى – بولاشاقتا كورۋ قابىلەتىنىڭ تولىق جوعالۋىنا دەيىن اپارادى.

لينزانىڭ تۇسىنە ءمان بەرىڭىز

كوزىلدىرىك تاڭداۋدا لينزانىڭ ءتۇسى دە ماڭىزدى ءرول اتقارادى. كوزىڭىزگە ەڭ قولايلىسى – قويۋ سۇر نەمەسە قويۋ جاسىل ءتۇستى لينزالار. دىمقىل تۇماندى ءتۇستى لينزالار كوزگە تۇسكەن تۇستەردى بۇرمالاماي, كەڭىستىكتە دۇرىس باعدار الۋعا كومەكتەسەدى. ال جاسىل ءتۇستى لينزالار ۋلتراكۇلگىن مەن ينفراقىزىل ساۋلەلەردى كوبىرەك سۇزەدى. ىستىق كليماتتى ەلدەرگە بارا قالساڭىز, High UV-protection دەپ جازىلعان قويۋ ءتۇستى كوزىلدىرىكتى تاڭداعان ءجون.

كوزىلدىرىكتەگى بەلگىلەر نەنى بىلدىرەدى؟

UVB – ۋلتراكۇلگىن B توبى ساۋلەلەرىنەن قورعايدى, ياعني تەرى مەن كوزدىڭ كۇيۋىنەن ساقتايدى; UVA – ۋلتراكۇلگىن A توبى ساۋلەلەرىنەن قورعايدى, بۇل ساۋلەلەر تەرەڭىرەك ەنىپ, «فوتوقارتايۋ» اسەرىن تۋدىرادى; UVA/UVB – ەكى توپ ساۋلەدەن دە قورعايدى, ياعني كوزدى كۇيىكتەن دە, قارتايۋدان دا ساقتايدى; Sun Block – كۇن ساۋلەسىن تولىقتاي بوگەيدى. مۇنداي كوزىلدىرىكتەر كۇنگە شىعۋعا بولمايتىن ادامدارعا ارنالعان; Waterproof – بۇل بەلگى كوزىلدىرىكتىڭ قورعانىش قابىلەتى 80 مينۋت سۋعا تۇسكەننەن كەيىن دە ساقتالاتىنىن بىلدىرەدى; Water Resistance-SPF – سۋعا 40 مينۋت تۇسكەننەن كەيىنگى قورعانىش دەڭگەيى.

SPF (Sun Protection Factor) – كۇننەن قورعايتىن قۇرالدىڭ تيىمدىلىگىن بىلدىرەدى. بۇل ءسىزدىڭ كۇن استىندا قانشا ۋاقىت قاۋىپسىز جۇرە الاتىنىڭىزدى كورسەتەدى.

كوزىلدىرىكتى قايدان ساتىپ الۋ كەرەك؟

كوزىلدىرىكتى تەك ارنايى دۇكەندەردەن, وفتالمولوگ ماماننىڭ كەڭەسىمەن ساتىپ الىڭىز. ساپاسىز لينزالار كورۋدى ناشارلاتىپ قانا قويماي, باس اۋرۋى مەن كوز ىشىندەگى قىسىمدى ارتتىرادى. ال دۇرىس تاڭدالماعان كوزىلدىرىك جيەگى باعدار الۋىڭىزدى قيىنداتىپ جىبەرەدى.

پوليكاربوناتتان جاسالعان لينزالار اينەككە قاراعاندا قاۋىپسىز ءارى ساپالىراق. ولار كۇننەن جاقسى قورعايدى جانە سوعىلعان جاعدايدا سىنباي, سىرتقا قاراي ۇشادى, بۇل جاراقات الۋ قاۋپىن ازايتادى.

كوزىلدىرىك تاڭداعاندا ۋلتراكۇلگىن ساۋلەلەردەن قورعانىس دەڭگەيى مەن جارىق سۇزگىش قاسيەتىن ەسكەرىڭىز. ساپالى كوزىلدىرىكتىڭ شەڭبەرىنىڭ ىشكى نەمەسە جانىنداعى قۇلاققا ىلىنەتىن تۇسىندا وشپەيتىن ۇلگى كودى مەن ماركا اتاۋى بولۋى شارت. سونىمەن قاتار, كوزىلدىرىككە مىندەتتى تۇردە مودەل كودى كورسەتىلگەن جانە سول كود دۋجكادا قايتالاناتىن تولقۇجات (پاسپورت) قوسا بەرىلەدى.

حالىقارالىق ستاندارتتار بويىنشا:

ەۋروپالىق – EN1836, قىتايلىق – GB10810, امەريكالىق – ANSIZ 80.3. كوز جانارى ءالسىز جاندارعا – فوتوحرومدى لينزالار

الىستان نەمەسە جاقىننان كورۋ قابىلەتى بۇزىلعان ادامدار ءۇشىن فوتوحرومدى لينزالارى بار كوزىلدىرىكتەر وتە ىڭعايلى. بۇل لينزالار ۋلتراكۇلگىن ساۋلەنىڭ نەمەسە جارىقتىڭ اسەرىنەن وزدىگىنەن قارايادى. سول سەبەپتى ولاردى حالىق اراسىندا «حامەلەون» دەپ تە اتايدى.

قورىتىندىلاي كەلە, كوزدىڭ ساۋلىعىن ساقتاۋ – ءار ادامنىڭ ءوز قولىندا. كۇننەن قورعايتىن كوزىلدىرىكتى دۇرىس تاڭداساڭىز, جازدىڭ شۋاقتى كۇندەرىندە كوزىڭىز دەمالادى, ءوزىڭىز سەنىمدى ءارى جايلى سەزىنەسىز.