بۇل تۋرالى «الەۋمەتتىك مەديتسينالىق ساقتاندىرۋ قورى» شىمكەنت فيليالى ديرەكتورىنىڭ ورىنباسارى اراپكۇل ءىزباساروۆا مالىمدەدى. ماماننىڭ سوزىنشە بۇل جالپى قالا حالقىنىڭ 80 پايىزدان استام ۇلەسىن قۇرايدى جانە مىندەتتى الەۋمەتتىك مەديتسينالىق ساقتاندىرۋ جۇيەسىمەن قامتىلعان ازاماتتار سانى جىل ساناپ ارتىپ كەلەدى, دەپ حابارلايدى Egemen.kz.
سونىمەن بىرگە ا.ءىزباساروۆا وسى تاقىرىپقا وراي وتكەن بريفينگتە شاھاردىڭ 700 مىڭنان استام تۇرعىنى جەڭىلدىك ساناتىندا ەكەنىن, ولاردىڭ جارناسىن مەملەكەت تولەپ جاتقانىن باياندادى. الايدا 237 492 ازاماتتىڭ ساقتاندىرۋ مارتەبەسى بۇگىنگى تاڭدا بولماي تۇر. ونىڭ ىشىندە 56 مىڭنان استام تۇرعىن الەۋمەتتىك وسال توپتى ازاماتتار ساناتىنا كىرەدى.
ءمامس تۋرالى زاڭعا ەنگىزىلگەن وزگەرىستەرگە سايكەس, كەلەسى جىلدان باستاپ جەرگىلىكتى اتقارۋشى ورگاندار الەۋمەتتىك ءال-اۋقات دەڭگەيى بويىنشا داعدارىستىق جانە شۇعىل جاعدايداعى (D جانە E دەڭگەيى) ساناتتارىنا جاتاتىن ازاماتتار ءۇشىن مەديتسينالىق ساقتاندىرۋ جارنالارىن تولەيتىن بولادى.
«تاعى ءبىر جاقسى جاڭالىق – بۇعان دەيىن جارنا تولەي الماي قالعان كىسىنىڭ ساقتاندىرۋ مارتەبەسى 3 ايعا عانا جارايتىن, ەندى 5 جىل بويى تۇراقتى جارنا تولەپ, كەزدەيسوق جۇمىسىنان ايىرىلىپ قالعان ادامنىڭ ساقتاندىرۋ مارتەبەسى 6 ايعا دەيىن ساقتالىپ تۇرا بەرەدى. ياعني, ازاماتتار ۋاقىتشا جۇمىسسىز ءجۇرىپ قالسا دا, مەديتسينالىق كومەكتى تەگىن الا بەرەدى. بىراق كەيىن تولەنبەگەن مەرزىمدەگى قارىزىن وتەۋ كەرەك بولادى» دەدى قور فيليالى ديرەكتورىنىڭ ورىنباسارى ا.ءىزباساروۆا.
بۇدان باسقا, رەسمي جۇمىسسىز رەتىندە تىركەلگەن ازاماتتار دا ساقتاندىرۋ جۇيەسىنە جەرگىلىكتى بيۋدجەت ەسەبىنەن قامتىلاتىن بولادى. بۇل ءوز كەزەگىندە حالىقتى جۇمىسپەن قامتۋ ماسەلەسىندە جەرگىلىكتى اكىمدىكتىڭ جاۋاپكەرشىلىگىن ارتتىرا تۇسەتىنى ءسوزسىز. ماماننىڭ پىكىرىنشە وسىلايشا بۇل وزگەرىستەر جەرگىلىكتى اتقارۋشى بيلىكتىڭ جۇمىس ورىندارىن قۇرۋعا, كەدەيلىكتى ازايتۋعا جانە حالىقتى جۇمىسپەن قامتۋ بويىنشا بەلسەندى شارالار قابىلداۋىنا تۇرتكى بولماق.
شىمكەنت