استانادا پەريزات قايراتقا قاتىستى سوت پروتسەسى جالعاسىپ جاتىر. قارجىلىق مونيتورينگ اگەنتتىگى «Biz Birgemiz Qazaqstan» قورىنىڭ باسشىسى بولعان پەريزات قايرات پەن اناسى 3,5 ملرد تەڭگە جىمقىرعانىن انىقتاعان ەدى, دەپ جازادى Egemen.kz.
بۇگىن سوت وتىرىسىندا ءۇشىنشى ەپيزود - قازاقستانداعى سۋ تاسقىنىنا قاتىستى جينالعان قارجىنى جىمقىرۋعا قاتىستى كۋاگەرلەردەن جاۋاپ الىنىپ جاتىر.
سوت بارىسىنا كۋاگەر رەتىندە قاتىسىپ جاتقان كاسپي بانكتىڭ باس زاڭگەرى ايدار كسەمباەۆ 2024 جىلدىڭ 5 ساۋىرىندە سۋ تاسقىنان زارداپ شەككەندەرگە كومەك بەرۋ ءۇشىن «Biz Birgemiz Qazaqstan» قوعامدىق بىرلەستىگىنىڭ باسشىسى 120 ملن تەڭگە جانە 8 ءساۋىر كۇنى 500 ملن تەڭگە قارجى قاجەت ەكەنىن ايتىپ اتالعان بانكتەن اقشا اۋدارۋدى سۇراعانىن ايتتى.
كاسپي بانك باسشىلىعى حاتقا جاۋاپ رەتىندە قورعا 1 كۇندە 120 ملن جانە بولەك وپەراتسيامەن 500 ملن تەڭگە اۋدارعان. بانك وكىلى سول تۇستا شۇعىل كومەك قاجەت بولعاندىقتان كەلىسىمشارتسىز-اق قارجى اۋدارىلعانىن مالىمدەدى.
2024 جىلدىڭ 1 شىلدەسىندە پەريزات قايرات كاسپي بانككە العىس حاتىن جولداپ, گرافيكا ارقىلى قارجىنىڭ باسىم بولىگى, ياعني 423 ملن تەڭگەنىڭ قايدا جۇمسالعانى تۋرالى ەسەپ تە بەرگەن.