مەملەكەت باسشىسىنىڭ تاپسىرماسى بويىنشا تۋريزم جانە سپورت ءمينيسترى ەربول مىرزابوسىنوۆ قاراعاندى وبلىسىنداعى بالقاش كولىنىڭ كۋرورتتىق ايماعىنا باردى, دەپ جازادى Egemen.kz.
قاراعاندى – بالقاش اۆتوجولى ىسكە قوسىلىپ, وڭىردەگى تۋريزم قارقىن الدى. وسى جىلدىڭ 5-7 شىلدە ارالىعىندا بالقاش كولىنە 60 مىڭنان استام تۋريست كەلگەن. مينيسترلىك دەرەگىنشە, وتكەن جىلى جىل بويى بالقاشقا بارعاندار سانى - 140 مىڭ.
بالقاشقا ارنايى بارعان ءمينيستر تۋريزمدى دامىتۋ شارالارى ەلىمىزدەگى بارلىق تۋريستىك باعىتتا جۇيەلى تۇردە جۇرگىزىلۋگە ءتيىس ەكەنىن اتاپ ءوتتى.
«تۋريستەر مەن قالا تۇرعىندارىنا قولايلى جاعداي جاساۋ ماقساتىندا ساپالى اۋىزسۋمەن قامتاماسىز ەتۋ جۇمىستارى جۇرگىزىلىپ جاتىر. اتاپ ايتقاندا, قالاىشىلىك سۋ قۇبىرلارى جەلىسى جاڭعىرتىلىپ, كۋرورتتىق ايماقتار جاڭا ماگيسترالدىق جۇيەگە قوسىلۋدا. تورانعالىق جانە شۇبارتۇبەك اۋىلدارىندا ماگيسترالدى سۋ قۇبىرىن سالۋ جۇمىستارى باستالدى.شۇبارتۇبەك اۋىلىندا پوليتسيا, توتەنشە جاعدايلار جانە مەديتسينالىق قىزمەتتەردىڭ مودۋلدىك بەكەتتەرى ورناتىلدى. سونداي-اق سۋ ايدىندارىندا قۇتقارۋشىلاردىڭ كەزەكشىلىگى ۇيىمداستىرىلعان», دەلىنگەن تۋريزم جانە سپورت مينيسترلىگىنىڭ حابارلاماسىندا.
تۋريستىك ايماقتا قوناقۇيلەردى ساناتى بويىنشا جىكتەۋ ماسەلەسى ءالى دە وزەكتى. قاپشاعاي مەن الاكولدەگى جاعداي سياقتى, مۇندا دا ساناۋلى نىساندار عانا رەسمي تۇردە «جۇلدىزدى» مارتەبەسىن العان. بۇل قىزمەت ساپانى جانە جاعاجاي مەن اينالاداعى ينفراقۇرىلىمنىڭ جاي-كۇيىن باقىلاۋدى قيىنداتىپ وتىر. قازىر بۇل ماسەلە زاڭناماعا ەنگىزىلەتىن وزگەرىستەر اياسىندا قارالىپ جاتىر.
ەربول مىرزابوسىنوۆ ماسەلەگە قاتىستى جەرگىلىكتى اتقارۋشى ورگاندارعا ءتيىستى تاپسىرمالار بەردى. وڭىرلىك ساپارلار اياقتالىپ, انىقتالعان كەمشىلىكتەر جويىلعاننان كەيىن تەكسەرۋ جۇمىستارى قايتا جۇرگىزىلەدى.