2026 جىلدىڭ كوكتەمى Apple جانكۇيەرلەرى ءۇشىن قىزىق بولعالى تۇر. Bloomberg دەرەككوزدەرىنىڭ حابارلاۋىنشا, كومپانيا كەلەسى جىلى بىرنەشە جاڭا ءونىمىن قاتار ۇسىنباق. ونىڭ ىشىندە جاڭارتىلعان MacBook, iPad ءارى كوپشىلىك كۇتىپ جۇرگەن ارزان iPhone 17ە بار, دەپ جازادى Egemen.kz.
iPhone 17e – بۇعان دەيىن تانىمال بولعان iPhone 16e مودەلىنىڭ جاڭارتىلعان ءتۇرى. باعاسى قولجەتىمدى, بىراق ىشكى مۇمكىندىگى قۋاتتى. جاڭا سمارتفونعا A19 پروتسەسسورى ورناتىلادى دەگەن بولجام بار. ساراپشىلار مۇنى الدىڭعى ۇلگىلەرگە قاراعاندا الدەقايدا ءونىمدى چيپ دەپ باعالاپ وتىر.
ايتا كەتەيىك, iPhone 16e 2025 جىلدىڭ اقپانىندا ساتىلىمعا شىققان بولاتىن. باعاسى شامامەن 599 دوللار بولعان. جاڭا مودەل دە وسى دياپازوندا بولماق.
سونداي-اق 2026 جىلى Apple جاڭارتىلعان MacBook Air جانە Pro مودەلدەرىن ۇسىنباق. بۇعان دەيىن ولار 2025 جىلى شىعارىلادى دەلىنگەن ەدى, بىراق كورپوراتسيا بۇل جوسپاردى كەيىنگە شەگەرگەن.
Bloomberg جازۋىنشا, كەيىنگى جىلدارى Apple ونىمدەرىنە دەگەن سۇرانىس باياۋلاعان. بۇل اسىرەسە پاندەميادان كەيىن بايقالدى – سول كەزدە كومپانيانىڭ ساتىلىمى رەكوردتىق دەڭگەيگە جەتكەن بولاتىن. ەندى Apple جاڭاشىل ديزاين مەن قۋاتتى تەمىرگە ەمەس, قولجەتىمدىلىككە نازار اۋدارا باستادى.