«الماتى جىلۋ جەلىلەرى» تۇرعىنداردىڭ جىلۋ ەنەرگياسى ءۇشىن تولەمەگەن ميللياردتاعان قارىزدى سوت ارقىلى ءوندىرىپ الماق. وسى ءىستىڭ بارىسىندا م ۇلىك پەن بانك شوتتارىنا, شەتەلگە شىعۋعا تىيىم سالىناتىن بولدى. سونىمەن قاتار قارىزدى تولىق تولەمەي ولارعا ىستىق سۋ بەرۋ توقتاتىلادى, دەپ حابارلايدى Egemen.kz.
قارىزدارىن وتەمەگەنى تۋرالى بىرنەشە رەت ەسكەرتۋ العانىنا قاراماستان, تۇتىنۋشىلاردىڭ ءبىر بولىگى كوممۋنالدىق قىزمەتتى جەتكىزۋشىنىڭ زاڭدى تالاپتارىن ەلەمەيتىن جاعدايلار ورىن العان. بيىل جىل باسىنان بەرى الماتىدا جىلۋ ەنەرگياسى ءۇشىن تولەم جاساماعان 600-دەن استام ابونەنتكە ىستىق سۋ بەرۋ شەكتەلگەن. سونىمەن قاتار زاڭدى تۇلعالارعا سوتقا دەيىنگى 3345 تالاپ جىبەرىلدى.
جىلۋ جانە ىستىق سۋمەن جابدىقتاۋ ءۇشىن قارىزى بار 5184 تۇرعىننان قارىزدى ءوندىرىپ الۋ بويىنشا جۇمىس جۇرگىزىلدى. ول ءۇشىن سوتقا تالاپ-ارىز بەرىلدى, سونداي-اق نوتاريۋستارعا اتقارۋشىلىق جازبالار جاساۋ ءۇشىن ارىزدار جىبەرىلدى.
بۇگىندە سوت ورىنداۋشىلارى قارىزدى ءوندىرىپ الۋ ءىس-شارالارىن جالعاستىرىپ جاتىر. كوممۋنالدىق قىزمەتكە تولەم جاساماعان 1 754 بورىشكەرگە قاتىستى شەكتەۋ شارالارى قابىلداندى.مىسالى,926 بورىشكەردىڭ جىلجيتىن جانە جىلجىمايتىن مۇلكىنە تىيىم سالىندى. 822 بانكتىك شوت بۇعاتتالدى.254 بورىشكەرگە قاتىستى قازاقستان رەسپۋبليكاسىنان تىس جەرلەرگە شىعۋعا تىيىم سالىندى 144 ازاماتتىڭ جالاقىسى مەن وزگە دە تابىسىنان بەرەشەك ۇستالدى.
قازىرگى تاڭدا الماتى جىلۋ تۇتىنۋشىلارىنىڭ پايدالانعان ىستىق سۋ مەن جىلۋ ءۇشىن جيىنتىق قارىزى شامامەن 2 ملرد تەڭگەگە جەتتى.