باس پروكۋراتۋرا مەن ىشكى ىستەر مينيسترلىگىنىڭ قىزمەتكەرلەرى قازاقستاننىڭ بىرىككەن اراب امىرلىكتەرىندەگى ەلشىلىگىنىڭ قولداۋىمەن دۋباي قالاسىنان ا.جۇماگەلديەۆتىڭ («ديكي ارمان» دەگەن لاقاپ اتپەن تانىمال بولعان) قىلمىستىق توبىنىڭ سىبايلاسىن ەكستراديتسيالادى, دەپ جازادى Egemen.kz.
ول 2022 جىلعى 5-7 قاڭتار ارالىعىندا الماتى قالاسىندا جۇماگەلديەۆتىڭ باندالىق قۇرامىندا جاپپاي تارتىپسىزدىكتەرگە بەلسەنە قاتىسقان دەگەن كۇدىككە ىلىنگەن.«قىلمىستار جاسالعاننان كەيىن كۇدىكتى جاسىرىنعان جانە شامامەن ءۇش جىل بويى حالىقارالىق ىزدەۋدە بولعان, كەيىننەن بىرىككەن اراب امىرلىكتەرى اۋماعىندا ۇستالعان. قازىرگى ۋاقىتتا كۇدىكتى استانا قالاسىنداعى تەرگەۋ يزولياتورىنا قامالدى», دەلىنگەن باس پروكۋراتۋرا حابارلاماسىندا. وعان تاعىلعان قىلمىستار بويىنشا ون جىلدان ون بەس جىلعا دەيىن باس بوستاندىعىنان ايىرۋ جانە مۇلكىن تاركىلەۋ جازاسى كوزدەلگەن.
ايتا كەتەيىك, ارمان جۇماگەلديەۆتىڭ وزى «قاڭتار وقيعاسى» كەزىندەگى زاڭسىز ارەكەتتەرى ءۇشىن 20 جىلعا سوتتالعان.