ەلىمىزدىڭ وڭتۇستىگىندەگى «سىپاتاي باتىر» باقىلاۋ-وتكىزۋ بەكەتىندەگى شەكاراشىلار 700 دانا اسكەري قاپتى زاڭسىز الىپ وتۋگە تىرىسقان 34 جاستاعى قىرعىزستان رەسپۋبليكاسىنىڭ ازاماتىن ۇستادى.
«Toيوتا» اۆتوماشيناسىنا ءمىنىپ, قىرعىز جەرىنەن كەلە جاتقان ازاماتتىڭ ءىسى كەدەن قىزمەتكەرلەرىنە بەرىلدى, ول ەندى قر اكىمشىلىك قۇقىق بۇزۋشىلىق كودەكسىنىڭ 551-بابىنىڭ 1-تارماعى بويىنشا جاۋاپ بەرەتىن بولادى.
ەلىمىزدىڭ سولتۇستىگىندەگى قوستاناي شەكارا وتريادىنىڭ «قايراق اۆتو» باقىلاۋ-وتكىزۋ بەكەتىنىڭ باقىلاۋشىلارى «رۋدنىي – چەليابى» باعىتىندا كەتىپ بارا جاتقان اۆتوبۋستان 28 جاستاعى وتانداسىمىزدى ۇستاۋعا ءماجبۇر بولدى. شەكاراشىلاردىڭ قىزمەتتىك ءيتى اتالعان ازامات وتىرعان ورىندىقتىڭ ارقالىعىنا جاسىرىلعان ەسىرتكى زاتىن بىردەن تاپتى. تەكسەرە كەلگەندە ول ماريحۋانا بولىپ شىقتى, سالماعى 5-7 گرامم. اتالعان دەرەك بويىنشا قۇقىق قورعاۋ ورگاندارى حابارلاندىرىلىپ, تەرگەۋ امالدارى جۇرگىزىلۋدە, دەپ حابارلادى ۇقك شق ءباسپاسوز قىزمەتى