2012 جىلى يسپانيانىڭ بۋرلادا قالاسىندا جەلاياقتار جارىسى ءوتىپ جاتقان ەدى. كەنيالىق سپورتشى ابەل مۋتاي مارە سىزىعىنا ساناۋلى مەتر قالعاندا بەلگىلەردى شاتاستىرىپ, سايىس اياقتالدى دەپ ويلاپ, توقتاي قالادى.
وسى ساتتە ەكىنشى بولىپ كەلە جاتقان يسپانيالىق سپورتشى يۆان فەرناندەس ونىڭ بۇل ارەكەتىن بايقاپ قالىپ «جۇگىر! فينيش بۇل ەمەس!» دەپ ايقايلايدى. ءتىلىن ۇقپاعان كەنيالىق قاراپ تۇرا بەرەدى. سودان فەرناندەس قارسىلاسىنىڭ ارقاسىنان يتەرىپ, ونى مارە سىزىعىنان وتكىزىپ جىبەرەدى. كەيىن جۋرناليستەر ودان «قولىڭدا تۇرعان ءبىرىنشى ورىندى نەگە بەرە سالدىڭ؟» دەپ سۇراعاندا, فەرناندەس: «سوندا مەنىڭ جەڭىسىمنىڭ ءمانى نەدە بولماق؟ انامنىڭ بەتىنە قالاي قارايمىن؟ ال بالالارىمىزعا قانداي ۇلگى كورسەتەمىز؟» دەگەن ەكەن.