«مىڭ داۋىستىڭ يەسى» اتانعان امەريكالىق اكتەر مەل بلانك اتاقتى «Warner Bros» ستۋدياسىنىڭ باگز بانني, داففي داك, پوركي پيگ سىندى كوپتەگەن كەيىپكەرلەرىنىڭ داۋسىن سومداعان.
بىردە ول كولىك اپاتىنا ءتۇسىپ, باس سۇيەگى سىنىپ, ءۇش اپتا بويى كومادا جاتادى. دارىگەرلەر ونىڭ ەسىن جيعىزۋعا قانشا تىرىسسا دا ناتيجە بولمايدى. الايدا ءبىر كۇنى دارىگەر «قالىڭ قالاي, باگز بانني؟» دەپ سۇراعان ساتتە, مەل بلانك دەرەۋ ەسىن جيىپ, قوياننىڭ داۋىسىمەن جاۋاپ بەرگەن ەكەن. بۇل وقيعا ونىڭ كەيىپكەرلەرى جاي ءرول ەمەس, جان-جۇرەگىنىڭ ءبىر بولشەگىنە اينالعانىن اڭعارتادى. بالكىم, سول سەبەپتى دە ونىڭ دىبىستاعان بەينەلەرى الەمگە تانىلىپ, تالاي ادامنىڭ جۇرەگىنەن ورىن العان بولار.